Vhalani Vhahaṱuli 11:30-40 u itela u guda kha mafhungo a Yefeta na ṅwananyana wawe nga ha u ita zwe ra fhulufhedzisa.

Gudani zwo engedzeaho nga ha zwe zwa vha zwi tshi khou itea. Vhaisiraele vha fhulufhedzeaho vho vha vha tshi dzhia hani muano we vha u itela Yehova? (Num. 30:2) Yefeta na ṅwananyana wawe vho sumbedza hani uri vha a fhulufhedzea kha Yehova?—Vhahaṱ. 11:9-11, 19-24, 36.

Itani ṱhoḓisiso nga ha zwidodombedzwa zwoṱhe. Yefeta a nga vha o vha a tshi khou humbula nga ha mini musi a tshi ita muano wawe kha Yehova? (w16.04 6 ¶12) Yefeta na ṅwananyana wawe vho tea u ḓidzima mini u itela u ita zwe vha fhulufhedzisa? (w16.04 6-7 ¶14-16) Ndi miano ifhio ine Vhakriste vha nga i ita ṋamusi?—w17.04 5-8 ¶10-19.

Humbulani nga ha zwe na zwi guda nahone ni zwi shumise. Ḓivhudziseni uri:

• ‘Ndi mini zwine zwa nga nthusa u ita zwe nda ana musi ndi tshi ḓiṋekedza kha Yehova?’ (w20.03 13 ¶20)

• ‘Ndi nga ḓidzima mini u itela u shumela Yehova nga ho engedzeaho?’

• ‘Ndi mini zwine zwa nga nthusa uri ndi fhulufhedzee kha muano we nda u ita musi ndi tshi vhingana na mufarisi wanga?’ (Mat. 19:5, 6; Vhaef. 5:28-33)