Musi ri tshi vhala Bivhili, ri nga wana zwine ra nga zwi shumisa nga u ita ṱhoḓisiso. Fhedzi ri nga vhuyelwa hani nga nḓila khulwane?

Livhisani ṱhogomelo kha zwidodombedzwa zwa mafhungo a re Bivhilini. Sa tsumbo, wanani uri ndi nnyi o ṅwalaho eneo mafhungo, a tshi khou a ṅwalela nnyi, nahone lini. Ho vha ho itea mini, ho vha hu tshi khou itea mini na uri ho itea mini nga murahu?

Humbulani nga ha zwine na nga zwi guda nga u ita ṱhoḓisiso ni tshi shumisa mbudziso dzi ngaho: ‘Vhathu vhe nda vhala nga havho vho vha vha tshi khou ḓipfa hani? Vho vha vhe vhathu vha hani? Ndi ngani ndi tshi tea u edzisa tsumbo yavho kana ndi tshi tea u i iledza?’

Shumisani zwine na zwi guda musi ni tsimuni kana ni na vhaṅwe vhathu. Nga u ita zwenezwi, ni ḓo vha ni tshi khou sumbedza vhuṱali, samusi Bivhili yo zwi sumbedza uri “o ṱalifhaho u ḓo tevhedza zwenezwi zwithu.”​—Ps. 107:43.

• Lingedzani hezwi: Ṱhogomelani nḓila ine tshipiḓa tsha muṱangano wa vhukati ha vhege tsha Lupfumo Lwo Tumbulwaho Ipfini Ḽa Mudzimu tsha ri thusa ngayo u humbula nga nḓila ine ra nga shumisa zwine ra zwi guda Bivhilini. Tshenetshi tshipiḓa tshi vha tshi na mbudziso dzine ra nga ḓivhudzisa dzone, mbuno dzine ra nga elekanya nga hadzo na zwifanyiso zwine ra nga zwi ṱolisisa.