Vhalani Yeremia 38:1-13 u itela u vhona zwine tsumbo ya muporofita Yeremia na ya Ebede-meleke dza nga ni gudisa zwone nga ha u vha na tshivhindi.

Gudani zwo engedzeaho nga ha zwe zwa vha zwi tshi khou itea. Yeremia o sumbedza hani u vha na tshivhindi musi a tshi khou vhudza vhathu mulaedza u bvaho kha Yehova? (Yer. 27:12-14; 28:15-17; 37:6-10) Vhathu vho ita mini musi vha tshi pfa zwe Yeremia a vha vhudza zwone?​—Yer. 37:15, 16.

Itani ṱhoḓisiso nga ha zwidodombedzwa zwoṱhe. Vhathu vho vha vha tshi khou ṱoḓa Yeremia a tshi ita mini? (jr 26-27 ¶20-22) Wanani zwo engedzeaho nga ha uri madindi a fanaho na ḽe Yeremia a poswa khaḽo o vha a tshi shumiselwa mini na uri o vha o tou itisa hani. (it-1-E 471) Ni vhona u nga Yeremia o vha a tshi khou ḓipfa hani musi e henefho dindini a tshi khou phirimela matopeni? Ebede-meleke a nga vha o kunda nyofho dzifhio?​—w12-E 5/1 31 ¶2-3.

Humbulisisani nga ha zwe na zwi guda nahone ni zwi shumise. Ḓivhudziseni uri:

• ‘Aya mafhungo a ngudisa mini nga ha nḓila ine Yehova a tsireledza ngayo vhashumeli vhawe vha fhulufhedzeaho?’ (Ps. 97:10; Yer. 39:15-18)

• ‘Ndi kha vhuimo vhufhio hune nda ḓo tea u vha na tshivhindi?’

• ‘Ndi nga vha hani na tshivhindi tsha u ita zwo lugaho naho vhaṅwe vhathu vha sa tendelani na nṋe?’ (w11-E 3/1 30) a