Vhunzhi hashu zwi a ri konḓela u humbula zwithu zwe ra zwi guda. Fhedzi zwo leluwa u humbula vhunzhi ha zwithu zwe Yesu a zwi funza nga nṱhani ha uri o vha a tshi shumisa zwifanyiso. Ri a kona u vhona nga ḽiṱo ḽa muhumbulo zwe Yesu a zwi amba nahone zwenezwo zwi ri thusa uri ri humbule zwe a zwi funza. Na inwi ni nga kha ḓi humbula vhunzhi ha zwithu zwe na zwi guda arali na nga zwi vhona nga ḽiṱo ḽa muhumbulo. Ni nga zwi itisa hani? Nga u ola zwifanyiso musi ni tshi khou guda.

Vhathu vhane vha ola zwifanyiso zwa zwithu zwiswa zwine vha khou zwi guda, kanzhi zwi a vha lelutshela uri vha humbule zwe vha zwi guda. U ola zwifanyiso zwi vha thusa uri vha pfesese mihumbulo mihulwane ya zwine vha khou zwi guda. A zwi ṱoḓei uri muthu a tou vha muoli makone uri a kone u ita zwenezwi. Khamusi a nga kha ḓi ola zwithu zwo leluwaho zwine zwa ḓo mu thusa u humbula zwe a zwi guda. U ola zwifanyiso zwi thusa zwihuluhulu kha vhaaluwa uri vha humbule zwithu zwine vha khou zwi guda.

Tshifhingani tshi ḓaho musi ni tshi guda, lingedzani u ola zwithu zwine na khou zwi guda. Khamusi ni nga wana zwi tshi ni thusa uri ni humbule khwine zwe na zwi guda!