Naa no vhala nga vhuronwane thero dza zwenezwino dza Tshiingamo? Vhonani arali ni tshi nga fhindula mbudziso dzi tevhelaho:

Ndi zwifhio zwithu zwiṋa zwine ra nga zwi ita u itela u khwinisa nḓila ine ra imba ngayo?

Ri nga farela nṱha bugu yashu ya luimbo uri ri kone u ima zwavhuḓi. Ri fanela u fema zwavhuḓi. U ganulula mulomo musi ri tshi imba, zwi ita uri ri kone u imbela nṱha.—w17.11, siaṱ. 5.

Ndi mini zwine zwa takadza nga ha fhethu he miḓi ya vhushavhelo ya ngei Isiraele ya vha i hone na bada dzi yaho kha yeneyo miḓi?

Ho vha hu na miḓi ya rathi ya vhushavhelo kha ḽeneḽo shango nahone bada dzi yaho kha yeneyo miḓi dzo vha dzi kha vhuimo havhuḓi. Zwenezwo zwo vha zwo itelwa uri muthu ane a khou shavha a wane fhethu ha vhushavhelo nga u ṱavhanya.—w17.11, siaṱ. 14.

Ndi ngani tshirengululi tsha Yesu tshi tshifhiwa tshihulwanesa tshe ra tshi wana tshi bvaho ha Mudzimu?

Tshirengululi tshi fusha lutamo lwashu lwa u tshila tshoṱhe nahone tshi dovha tsha ri vhofholola kha tshivhi na lufu. Nga nṱhani ha uri Mudzimu u funa vhana vha Adamu, o rumela Yesu uri a ri rengulule musi ri tshee vhaitazwivhi.—wp17.6, masiaṱ. 6-7.

Psalme ya 118:22 yo dzula hani yo amba nga ha u vuswa ha Yesu?

Yesu o landulwa sa Messia nahone a vhulahwa. O vha a tshi fanela u thoma a vuswa vhafuni uri a kone u vha “thikho ya mutsheṱo.”—w17.12, masiaṱ. 9-10.

Naa zwo vha zwi tshi ṱoḓea uri muthu a vhe tanzhe uri a vhe kha mutevhe wa Messia?

Nga zwiṅwe zwifhinga wonoyo mutevhe wo vha u tshi wela kha tanzhe. Davida o vha e si murwa wa Isai wa tanzhe; fhedzi Messia u bva kha mutevhe wa Davida.—w17.12, masiaṱ. 14-15.

Ndi vhufhio vhuṅwe vhulivhisi vhu re Bivhilini vhune ha amba nga ha ngalafho?

Mulayo wo amba uri vhathu vhane vha vha na maṅwe malwadze vha fanela u dzula kule na vhaṅwe vhathu. Vhathu vho vha vha tshi fanela u ṱamba musi vha tshi tou bva u fara tshitumbu. Mulayo wo amba uri malaṱwa a fanela u gwelwa fhasi na u fukedzwa kule na hune vhathu vha dzula hone. Vhana vho vha vha tshi fanela u fumbiswa vhe na maḓuvha a malo ngauri malofha avho a a ṱavhanya u kheṱha.—wp18.1, siaṱ. 7.

Ndi ngani zwo tea uri Mukriste a ḓifune?

Ri fanela u funa vhahashu vhunga ri tshi ḓifuna. (Marko 12:31) Vhanna vha fanela u “funa vhasadzi vhavho u fana na nḓila ine vha funa ngayo mivhili yavho.” (Vhaef. 5:28) Ndi ngoho uri ri nga fhedzisela ri tshi vho ḓifuna nga ho kalulaho.—w18.01, siaṱ. 23.

Ndi zwifhio zwiṅwe zwine ra nga zwi ita uri ri bvele phanḓa ri tshi livhiswa nga muya wa Mudzimu?

Ri fanela u guda Ipfi ḽa Mudzimu, u elekanya nga ha zwe ra zwi vhala na u zwi shumisa. Ri fanela u tenda u livhiswa nga muya mukhethwa, u ṱanganedza thuso i bvaho kha vhaṅwe na u livhuwa.—w18.02, siaṱ. 26.

Ndi ngani vhathu vha astrology na mingome vha sa koni u ḓivha zwa matshelo?

Hu na zwiitisi zwinzhi, fhedzi tshiitisi tsha ndeme ndi tsha uri Mudzimu u vhenga mifuda yoṱhe ya u bvumba.—wp18.2, masiaṱ. 4-5.

Ri fanela u ita mini arali ro tenda u rambiwa zwiḽiwani?

Arali ro tenda u rambiwa, ri fanela u ya. (Ps. 15:4) A ro ngo fanela u litsha u ya nga nṱhani ha zwiitisi zwi sa pfali. Muthu we a ri ramba a nga vha o ḓiṋea tshifhinga tsha u ri lugiselela zwiḽiwa.—w18.03, siaṱ. 18.

Vhanna vho vhewaho vha nga guda mini kha Timotheo?

Timotheo o vha a tshi ṱhogomela vhathu nahone a tshi ṱoḓa u vha na vhushaka ha tsini na Mudzimu. O shuma nga nungo dzoṱhe tshumeloni khethwa nahone o shumisa zwe a zwi guda. O dzula a tshi ḓigudisa nahone o ḓitika nga muya mukhethwa wa Yehova. Vhahulwane na vhaṅwe vha nga edzisa tsumbo yawe.—w18.04, masiaṱ. 13-14.