Vhahuweleli vhanzhi vha shumisa JW Library^® u itela u lugiselela miṱangano nahone vha a zwi takalela ngauri i vha isa kha thero ine ya vha i khou gudwa nga yeneyo vhege. Fhedzi Tshiingamo tshi gudwaho tshi anzela u vha na dziṅwe thero dzine na dzone dza ri thusa u guda nga ha Yehova. Dzenedzo thero ni nga dzi wana hani musi ni tshi khou shumisa JW Library?

• Mafhedziseloni a thero iṅwe na iṅwe hu na tshiṱoho “Zwiṅwe Zwine Na Nga Vhala.” Nga fhasi ha tshenetsho tshiṱoho, dzhenani kha ḽinki ine ya ri “Dziṅwe thero dzi re kha uno magazini.” Henefho ni sedze thero dzoṱhe dzi re kha wonoyo magazini. Ni ḓo vhona tshiṱoho na nomboro zwa thero dzine dza ḓo gudiwa miṱanganoni. Ni nga dzhena kha tshiṱoho tsha iṅwe thero i re henefho ine ya sa ḓo gudiwa miṱanganoni ine na nga takalela u i vhala.

• Musi ni tshi tou dzhena kha JW Library kha tshiteṅwa “What’s New,” ni downloude Tshiingamo musi tshi tshi tou bvelela. Ni vule Tshiingamo tshe na tshi downlouda nahone ni sedze zwiṱoho zwa thero dzoṱhe u itela uri ni kone u vhuyelwa nga thero dzoṱhe dzi re kha tshenetsho Tshiingamo.