U itela u guda nga ha nḓila ye Yosefa a konḓelela ngayo musi a songo farwa zwavhuḓi, vhalani Genesi 37:23-28; 39:17-23.

Ṱolisisani mafhungo oṱhe nga vhuḓalo. Zwo ḓa hani uri Yosefa a si farwe zwavhuḓi? (Gen. 37:3-11; 39:1, 6-10) Yosefa o konḓelela u sa farwa zwavhuḓi lwa tshifhinga tshingafhani? (Gen. 37:2; 41:46) Nga tshenetsho tshifhinga, ndi mini zwe Yehova a zwi itela Yosefa nahone ndi mini zwe a si mu itele?—Gen. 39:2, 21; w23.01 17 ¶13.

Gudani zwo engedzeaho. Bivhili a i ambi uri Yosefa o lingedza u ḓiimelela musi a tshi pomokwa mazwifhi nga mufumakadzi wa Potifara. Maṅwalo a tevhelaho a nga ri thusa hani u vhona uri ndi ngani Yosefa a tshi nga vha o nanga u sa ḓiimelela kana uri ndi ngani ri sa tei u lavhelela uri ri vhudzwe mafhungo oṱhe a re Bivhilini nga vhuḓalo? (Mir. 20:2; Yoh. 21:25; Mish. 21:37) Ndi mini zwine zwa nga vha zwo thusa Yosefa uri a konḓelele u sa farwa zwavhuḓi?—Mika 7:7; Luka 14:11; Yak. 1:2, 3.

Ndi mini zwine ra zwi guda? Ḓivhudziseni uri:

• ‘Sa mutevheli wa Yesu, ndi nga lavhelela u sa farwa zwavhuḓi nga nḓila-ḓe?’ (Luka 21:12, 16, 17; Vhahev. 10:33, 34)

• ‘Ndi nga ḓilugisela hani zwino uri ndi kone u konḓelela u sa farwa zwavhuḓi?’ (Ps. 62:7, 8; 105:17-19; w19.07 2-7)