Naa nga zwiṅwe zwifhinga zwi a ni konḓela u humbula zwithu zwine na kha ḓi tou bva u zwi guda? Zwenezwo zwi nga itea kha muṅwe na muṅwe washu. Ni nga thuswa nga mini? Nga u vusulusa mbuno khulwane dza zwe na zwi guda.

Musi ni tshi khou guda, ni ite ni tshi imanyana u itela u humbulisisa nga ha zwine na khou zwi guda. Zwenezwi ndi zwe muapostola Paulo a ṱuṱuwedza vhahashu uri vha zwi ite musi vha tshi khou vhala vhurifhi hawe. O ri: “Zwa ndeme vhukuma kha zwine ra khou zwi amba ndi hezwi.” (Vhahev. 8:1) Eneo maipfi o vha thusa uri vha pfesese zwe a vha a tshi khou zwi amba na u pfesesa uri zwo vha zwi tshi khou tshimbidzana hani.

Musi no no fhedza u guda, ni nga ḓiṋea tshifhinga, khamusi mimunithi ya fumi, tsha u humbulisisa nga ha mbuno khulwane dza zwe na zwi guda. Arali ni si tsha dzi humbula, ni nga vhala zwiṱohwana kana na vhala mutaladzi wa u thoma wa phara iṅwe na iṅwe u itela u ni humbudza. Arali no guda zwithu zwiswa, lingedzani u zwi ṱalutshedza nga maipfi aṋu. Musi ni tshi vusulusa mbuno khulwane, zwi ḓo ni thusa uri ni si zwi hangwe, zwa dovha zwa ni thusa uri ni vhone nḓila ine na nga zwi shumisa ngayo vhutshiloni haṋu.