Vhabebi vha na vhuḓifhinduleli ha u gudisa vhana vhavho nga ha Yehova. (Vhaef. 6:4) U itela u thusa vhabebi, ndangulo ya Yehova yo ita dzithero, dzividio na dzinyimbo. Vhabebi vha nga dzi shumisa hani u itela u gudisa vhana vhavho?

• Sedzani uri ndi mini zwine zwa vha hone kha jw.org. Kha jw.org ni nga kona u wana zwithu zwoṱhe zwo itelwaho vhana zwi ngaho dzividio na mabambiri ane vha nga kona u ṅwala khao kana u ola. a U itela u wana zwenezwi zwithu, iyani kha “Pfunzo Dza Bivhili” ni ye kha tshiteṅwa “Vhana” kana ni ye kha “Pfunzo Dza Bivhili” ni ye kha tshiteṅwa “Vhaswa Vha Re Miṅwahani Ya Vhufumi.”

• Khethani zwine na vhona zwo tea ṅwana waṋu. Nga fhasi ha tshiteṅwa “Vhana” ni nga khetha dzividio, nyimbo kana dziṅwe thero dzine na vhona u nga dzi nga thusa ṅwana waṋu. U itela u wana zwithu zwi ngaho zwenezwi, iyani kha “Pfunzo Dza Bivhili” ni ye kha tshiteṅwa “Vhana.”

• Fhedzani tshifhinga na vhana vhaṋu. Ni songo ita uri ṅwana waṋu a ṱalele vidio kana u ṅwala kana u ola hu u ita uri a sokou vha a na zwa u ita. Nṱhani hazwo, ni fanela u haseledza zwenezwi zwithu na ṅwana waṋu nahone ni mu thuse uri a vhe na vhushaka na Yehova.