Naa Lutendo Lu Nga Fhodza Vhane Vha Khou Lwala?

MUSI ri tshi khou lwala, ri ṱoḓa thuso, na u fhodzwa. Nga hu fanaho, ni a zwi ḓivha uri Bivhilini tshifhinga tshoṱhe Yesu Kristo o fhodza malwadze oṱhe, a thusa vhathu vhanzhi vhane vha khou lwala. Honoho u fhodzwa ho bvelela hani? Bivhili i amba uri zwo itea nga ‘maanḓa a Mudzimu.’ (Luka 9:42, 43; Mishumo 19:11, 12) Ngauralo, ndi muyamukhethwa wa Mudzimu we wa fhodza vhathu, hu si lutendo lwe vha vha vhe nalwo. (Mishumo 28:7-9) Ndi ngazwo na Yesu a songo vha vhudza uri vha ambe uri vha a tenda khae u itela uri a kone u vha fhodza.

Ni nga kha ḓi ḓivhudzisa: ‘Naa u fhodzwa ha vhathu nga maḓembe ndi zwithu zwa tshifhingani tsha kale fhedzi, kana naa u fhodzwa ho raloho ho itwaho nga Yesu hu ḓo dovha ha bvelela? Hu na fulufhelo ḽifhio nga vhathu vhane vha khou tambula nga malwadze a vhavhaho na a sa fholiho?’

Bivhili i a ṱalutshedza uri shangoni ḽiswa ḽa Mudzimu ḽa u luga, maanḓa a Mudzimu a ḓo fhodza vhathu nga lwa vhuṱolo u fana na zwe zwa itwa nga Yesu musi a tshi kha ḓi vha kha ḽifhasi. Ṱhanzi dza Yehova dza hune na dzula hone dzi nga takalela u ni sumbedza uri zwenezwo zwi ḓo itea hani na uri Mudzimu u ḓo fhodza lini vhathu nga lwa vhuṱolo a sa shumisi lutendo lune vha vha nalwo—a tshi fhelisa malwadze oṱhe, u katela na lufu. Ee, Mudzimu ‘u ḓo lozwa lufu lwa tshoṱhe.’—Yesaya 25:8.