Ḓuvha Ḽine Ra Fanela U Ḽi Humbula

VHUSIKU ha nga phanḓa ha lufu lwawe, Yesu Kristo o ṋekedza vhaapostola vhawe tshinkwa tshi si na dini na tshinwelo tsha veine tswuku nahone a vha vhudza a ri vha ḽe na u nwa. O dovha a vha vhudza a ri: “Ni ite ngauralo, uri hu vhe u ṋyelelwa.”—Luka 22:19.

Uno ṅwaha vhuṱambo ha tshenetshi tshiitea vhu ḓo vha nga Swondaha ya ḽa 4 April nga madekwana. Ṱhanzi dza Yehova shango ḽoṱhe dzi ḓo vha dzo kuvhangana nga honovhu vhusiku u itela u pembelela tshenetshi Tshihumbudzo nga nḓila ye Yesu a laedza ngayo. Na inwi no ṱanganedzwa vhukuma u ṱanganela navho kha honovhu vhuṱambo. Nga khumbelo kwamanani na Ṱhanzi dza Yehova dza hune na dzula hone u itela u ḓivha tshifhinga na fhethu zwo teaho zwa hune wonoyo muṱangano wo khetheaho wa ḓo farelwa hone.