“U Ḓivhadza Dzina ḽa Yehova”

SHANGONI ḽoṱhe, Tshiingamo na Awake! zwi a dzhielwa nṱha vhukuma nga ṅwambo wa uri zwi amba nga zwithu zwa muya na uri zwi na vhulivhisi ha ndeme. Malugana na zwenezwi, muṅwe muvhali wa ngei Fura, zwenezwino o ṅwala luṅwalo lune lwa ri:

“Ndi musadzi a kha ḓivhaho muswa, ndi bva Afurika, nahone a tho ngo tou funzea nga maanḓa. Ndo thoma u vhala magazini dza vhoiwe zwenezwino. Nge nda kungwa nga mafhungo adzo, ndi khou thoma u vhona ndeme yadzo. Ndo livhuha vhukuma, zwa zwino ndo no vha na nḓivho yo engedzeaho ya maipfi nahone ndi vho kona u ṅwala luṅwalo lu re na vhukhakhi vhuṱuku vhukuma.

“Ndo mangadzwa vhukuma ngauri zwithu zwine zwa vha kha dzenedzi thero zwi kwama vhutshilo ha vhathu, ḽifhasi, na Musiki. Dzenedzi thero dzi a leluwa vhukuma u dzi vhala nahone dzi ita uri muthu a vhe na dzangalelo ḽa u bvela phanḓa u dzi vhala. A huna na muthu na muthihi ane a vha na vhukoni ha u funza vhathu vho fhambanaho nga tshifhinga tshithihi.

“Hafhu ndo mangadzwa nga musi ndi tshi vhona uri zwoṱhe hezwi a zwi khou itwa u itela u bindula, fhedzi u itela u ḓivhadza dzina ḽa Yehova. Ndi a zwi ḓivha zwa uri ni vhathu vhawe nahone ndi a ni livhuha. Bvelani phanḓa ni tshi wana maanḓa kha Musiki u itela uri ni kone u funza.”

Ṱhanzi dza Yehova vha khou bvela phanḓa na pfunzo dzavho dza Bivhili mashangoni a linganaho 235. Tshiingamo tshi khou gandiswa nga nyambo dzi linganaho 148 nahone Awake! nga nyambo dza 87. Dzenedzi khandiso a dzi khou gandiswa u itela u rendisa muthu naho e nnyi. Nyeletshedzo na mafhungo adzo o thewaho Bivhilini na a re tshifhingani o itelwa u rendisa Musiki, we a ri: “Nṋe Yehova Mudzimu . . . ndi U funza zwi farisaho.” (Yesaya 48:17) U nga ri ni nga ḓivhuyedza nga u vhala Maṅwalo Makhethwa misi yoṱhe ni tshi khou shumisa zwenezwi zwithusi zwa u guda Bivhili.