U Tovhola Zwithu Zwinzhi zwi Vhonalaho

Dzangano ḽa Worldwatch Institute ḽo vhiga u ri: “Arali ri tshi dzulela u ṱoḓa zwithu zwinzhi tshifhinga tshoṱhe, a ri nga ḓo vhuya ra fushea na luthihi.”

“RI ṰOḒA mini? Zwoṱhe. Ri zwi ṱoḓa lini? Zwino.” Enea maipfi o vha o ḓowelea kha vhagudiswa vha gudedzi nga vho-1960. Ṋamusi, maipfi o raloho a nga kha ḓi sa pfala, fhedzi mihumbulo yo raloho i kha ḓi vha hone. Vhukuma, u ṱoḓa zwithu zwo engedzeaho zwi vhonala zwo ḓala vhukuma misini yashu.

Kha vhathu vhanzhi, u wana lupfumo na thundu nnzhi ndi zwone zwithu zwa ndeme vhukuma vhutshiloni havho. Muphuresidende wa kale wa U.S, Jimmy Carter o vhuya a ri: “Zwine muthu a vha zwone a zwi tsha ṱalulwa nga zwine a ita, fhedzi nga zwine a vha nazwo.” Naa hu na zwiṅwe zwithu zwa ndeme u fhirisa thundu? Arali zwo ralo, zwenezwo zwithu ndi zwifhio, nahone zwi ḓo ri vhuyedza hani?