U BVA nga 1992, Tshigwada tshi Langaho tsho avhela vhahulwane vho vhibvaho vha re na tshenzhelo uri vha thuse u khunyeledza mushumo wavho kha komiti dzatsho. * (Sedzani ṱhaluso i re magumoni a siaṱari.) Vhenevho vhathusi, vhane vha vha miraḓo ya “dziṅwe nngu,” vha ṋea thikhedzo ya ndeme Tshigwada tshi Langaho. (Yohane 10:16) Vha ya muṱanganoni wa komiti ine vha shuma khayo vhege iṅwe na iṅwe. Mushumo wavho ndi u amba zwoṱhe zwine zwa ṱoḓea na u ṋea nyeletshedzo. Miraḓo ya Tshigwada tshi Langaho ndi yone ine ya dzhia phetho, nga zwenezwo, vhathusi vha tikedza phetho ye ya dzhiiwa nga u ita vhungoho ha uri i khunyeledzwe. Vhenevho vhahashu vho ḓiimisela u ita mushumo naho u ufhio une vha avhelwa wone. Vha tshimbila na miraḓo ya Tshigwada tshi Langaho musi vha tshi ya mabuthanoni o khetheaho na a tshaka dzoṱhe. Vha nga avhelwa mushumo wa u dalela ofisi dza davhi sa vhaimeleli vha bvaho ofisini khulwane dza shango ḽoṱhe.

Muṅwe wahashu wa tshinnani we a shuma sa muthusi u bva nga 1992, o ri, “Musi ndi tshi ita mushumo wanga, Tshigwada tshi Langaho tshi ḓo kona u livhisa ṱhogomelo yatsho nga ho engedzeaho kha zwithu zwa lwa muya.” Muṅwe wahashu wa tshinnani we a shuma sa muthusi lwa miṅwaha ya 20, o ri, “Yo vha i ndugelo khulwane vhukuma ye nda vha ndi songo i lavhelela.”

Tshigwada tshi Langaho tsho hwesa vhathusi vhatsho vhuḓifhinduleli vhunzhi nahone tshi livhuha vhuḓidini ha vhenevho vhahashu vha fulufhedzeaho. Roṱhe kha ri “dzule [r]i tshi ṱhonifha vhathu vho raloho.”—Vhafilipi 2:29.