Yesu ‘O Hwala Zwivhi Zwa Shango!’

Yohane Mulovhedzi o amba uri Yesu ‘o hwala zwivhi zwa shango.’ (Yohane 1:29) Zwenezwi zwi ita uri ri kone u ṱhogomela mushumo wa Yesu wa u tshidza vhathu vha thetshelesaho.

Naho zwo ralo, ndi ngani Yesu o fa u itela u tshidza vhaitazwivhi?

Ndi mini zwe a zwi swikelela nga u ṋekedza vhutshilo hawe nga u ḓifunela?

Ndi vhafhio vhane vha vhuyelwa nga lufu lwawe?

Lufu lwawe lu amba mini kha inwi?

Ṅwaha muṅwe na muṅwe Ṱhanzi dza Yehova vha a kuvhangana u itela u humbula lufu lwa Yesu nga ḓuvha ḽe a fa ngaḽo. Uno ṅwaha vha ḓo kuvhangana nga Swondaha ya ḽa 17 April, musi ḽo no kovhela.

Ṱhanzi dza Yehova vha a ni ramba uri ni ḓe ni ṱolisise navho zwine lufu lwa Yesu lwa amba zwone. Hu ḓo haseledzwa phindulo dzi bvaho Bivhilini dza mbudziso dzi re afho nṱha.

Ni nga ya kha tshenetshi tshiitea tsini na hune na dzula hone. Nga khumbelo vhudzisani Ṱhanzi dza Yehova dza hune na dzula hone tshifhinga na fhethu hune tsha ḓo farelwa hone.