Vhuporofita 4. U Shayea Ha Lufuno
Vhuporofita 4. U Shayea Ha Lufuno
“Ngauri vhathu vha ḓo . . . shaya lufuno lwa nzulele kha miṱa yavho.”—2 TIMOTHEO 3:1-3, God’s Word Bible
● Chris u shumela dzangano ḽa ngei North Wales ḽine ḽa thusa vhathu vhane vha tambudzwa mahayani. O ri: “Ndi humbula muṅwe mufumakadzi we a vha o rwiwa vhukuma lwe nda si kone na u mu ḓivha. Vhaṅwe vhafumakadzi vha vha vho vhaisala vhukuma maḓipfele lune vha si kone na u sedza muthu maṱoni.”
MBUNO DZI SUMBEDZA MINI? Kha ḽiṅwe shango ḽa Afurika, mufumakadzi muthihi kha vhararu o no vhuya a tambudzwa nga lwa vhudzekani musi a tshee muṱuku. Kha tsenguluso dze dza itwa kha ḽeneḽo shango ho waniwa uri vhanna vha phesenthe dzi fhiraho 33 vha dzhia u rwa vhafumakadzi vhavho zwi tshi ṱanganedzea. Naho zwo ralo, vhafumakadzi a si vhone fhedzi vhane vha rwiwa miṱani. Sa tsumbo, vhanna vha ṱodaho u vha vhararu kha vha fumi ngei Canada, vho no vhuya vha rwiwa kana vha tambudzwa nga vhafarisi vhavho.
VHATHU VHA ANZELA U RI MINI? Ndi kale vhathu vha tshi rwiwa mahayani. Hu tou vha uri zwino zwi khou thoma u dzhielwa nṱha u fhira kale.
NAA ZWENEZWO NDI NGOHO? Miṅwahani ya zwenezwino vhathu vhanzhi vha vho zwi ḓivha uri vhathu vha a rwiwa miṱani. Fhedzi, naa u ḓivha nga ha mafhungo enea zwi ita uri vhathu vha si tsha rwiwa miṱani? Na kathihi. U shayea ha lufuno lwa nzulele ho no anda vhukuma.
NI HUMBULA MINI? Naa ndi u ḓadzea ha 2 Timotheo 3:1-3? Naa vhathu vhanzhi vha shaya lufuno lwa nzulele lune vha fanela u vha nalwo kha miraḓo ya miṱa yavho?
Vhuporofita ha vhuṱanu vhune ha khou ḓadzea zwino vhu katela ḽifhasi ḽine ḽa vha haya hashu. Ṱhogomelani uri Bivhili i ri mini nga ha enea mafhungo.
[Maipfi o ṱumbulwaho kha siaṱari 7]
“U rwiwa miṱani ndi vhuṅwe ha vhuvemu vhune ha itwa tshiphiri nga maanḓa tshitshavhani. U ya nga mbalotshikati, mufumakadzi u rwiwa nga mufarisi wawe lwa 35 a sa athu vhiga mapholisani.”—A SPOKESWOMAN FOR WALES DOMESTIC ABUSE HELPLINE.