THERO I RE KHA GWATI | NI NGA SENDELA TSINI NA MUDZIMU
A Hu Na Iṅwe Nḓila Ya Khwine Ya Vhutshilo
Ni nga ita mini uri ni vhe tsini na Mudzimu? Ro ṱhogomela vhukando vhutevhelaho vhune na nga vhu dzhia u itela u ṱahulela vhushaka ha tsini nae:
-
Ḓivhani dzina ḽa Mudzimu, Yehova, nahone ni ḽi shumise.
-
Davhidzanani nae tshifhinga tshoṱhe nga thabelo nahone ni gude Ipfi ḽawe, Bivhili.
-
Dzulani ni tshi ita zwine zwa takadza Yehova.
Sendelani tsini na Mudzimu nga u shumisa dzina ḽawe, u mu rabela, u guda Ipfi ḽawe na u ita zwine zwa mu takadza
Musi no ṱhogomela enea maitele, naa ni nga ri ni khou ita zwine zwa ṱoḓea u itela u vha tsini na Mudzimu? Naa hu na masia ane na vhona u nga ni fanela u khwinisa khao? Zwi a pfesesea uri hu ṱoḓea vhuḓidini, fhedzi ṱhogomelani mvelelo.
Jennifer wa ngei United States o ri: “Vhuḓidini vhuṅwe na vhuṅwe he ha vha hone u itela u vha na vhushaka ha tsini na Mudzimu vhu a vhuyedza. Honovhu vhushaka vhu ḓisa phaṱhutshedzo nnzhi: fulufhelo ḽo engedzeaho kha Mudzimu, u pfesesa vhumuthu hawe nga ho engedzeaho, fhedzi tsha ndeme nga maanḓa ndi lufuno lwo engedzeaho. A hu na iṅwe nḓila ya khwine ya vhutshilo!”
Arali ni tshi takalela u ḓiphina nga vhushaka ha tsini na Mudzimu, Ṱhanzi dza Yehova dzi nga takalela u ni thusa. Vha nga dzudzanya u guda Bivhili na inwi nga mahala. Ni nga dovha na ṱanganela kha miṱangano yavho ya Bivhili Holoni ya Muvhuso ya hune na dzula hone nahone ni ḓo ḓiphina nga vhukonani na vhane vha dzhiela nṱhani vhushaka havho na Mudzimu. * Musi ni tshi ita nga u ralo, na inwi ni ḓo ḓipfa nga nḓila ye mupsalme a ḓipfa ngayo musi a tshi ri: “Nṋe ndi ḓifhelwa nga u vha tsini na Mudzimu.”—Psalme ya 73:28.
^ par. 9 U itela u humbela pfunzo ya Bivhili kana u sumbedzwa Holo ya Muvhuso i re tsini na hune na dzula hone, ambani na muthu we a ni ṋea magazini kana ni dalele Web site yashu, www.pr418.com/ve nahone sedzani kha tshiṱoho RI KWAMENI tshine tsha vha magumoni a siaṱari.
You May Also Like
MBUDZISO DZINE DZA ANZELA U VHUDZISWA
Ngudo Ya Bivhili Ndi Mini?
Musi ni tshi khou guda na Ṱhanzi dza Yehova nga mahala, ni nga shumisa Bivhili iṅwe na iṅwe ine na i takalela. Ni nga vhidza vha muṱani ha waṋu kana khonani dzaṋu uri na vhone vha vhe hone musi ni tshi guda.
