DZULANI NO FHAṰUWA!
Ṅwaha Wa 2022 A Wo Ngo Vha Wavhuḓi, Bivhili I Ri Mini Nga Hazwo?
Nga 2022, ro vha ri tshi dzulela u pfa mafhungo a si avhuḓi nga ha dzinndwa, thaidzo dza zwa ikonomi na khombo dza mupo. Bivhili ndi yone i yoṱhe ine ya nga ri vhudza uri zwenezwi zwithu zwi amba mini.
Zwe zwa itea nga ṅwaha wa 2022
Zwe zwa itea ṅwaha wo fhelaho, zwi ri khwaṱhisedza uri ri khou tshila “maḓuvhani a vhufhelo.” (2 Timotheo 3:1) Tshenetsho tshifhinga tsho thoma nga ṅwaha wa 1914. Ṱhogomelani uri zwiitea zwine zwa khou itea zwino, zwi tshimbidzana hani na zwe Bivhili ya dzula yo amba uri zwi ḓo itea tshifhingani tshashu:
“Dzinndwa.”—Mateo 24:6.
“Nga Ṅwaha Wa 2022, Ho Dovha Ha Vha Na Nndwa Ngei Yuropa.” a
Vhalani thero ine ya ri “Russia I Khou Lwa Na Ukrain.”
“Nḓala.”—Mateo 24:7.
“Nga Ṅwaha Wa 2022, Ho Vha Na Nḓala Khulu.” b
Vhalani thero ine ya ri “Nndwa Ya Ukraine I Ita Uri Hu Ṋaṋe U Vha Na Ṱhahelelo Ya Zwiḽiwa.”
“Malwadze.”—Luka 21:11.
“Vhulwadze ha Polio ho dovha ha vhuya, ngeno ha Monkeypox ho phaḓalala ha ita thaidzo khulu. Na COVID-19 i kha ḓi bvela phanḓa na u tshinyadza. Zwenezwi zwi sumbedza uri malwadze ane a pfukela a na khombo khulu kha vhathu.” c
SVhalani thero ine ya ri “Vhathu Vha 6 Miḽioni Vho Vhulawa Nga Corona.”
‘Vhathu vho vhona zwi ofhisaho.’—Luka 21:11.
“Ho vha na mufhiso wo kalulaho, gomelelo, mililo na miḓalo. A ri nga vhuyi ra hangwa zwe zwa itea nga tshilimo tsha ṅwaha wa 2022 ngauri mutsho wa hone wo ita uri hu vhe na khombo dze dza vhulaya vhathu vha zwigidi na u ita uri vhathu vha dzimiḽioni u mona na shango ḽoṱhe vha xelelwe nga mahaya avho.” d
Vhalani thero ine ya ri “Bivhili I Ri Mini Nga Ha U Engedzea Ha Mufhiso U Songo Ḓoweleaho U Mona Na Shango Ḽoṱhe?.”
“Dzikhakhathi.”—Luka 21:9.
“Ho vha na migwalabo minzhi nga 2022 ngauri vhathu vho vha vho sinyuswa nga thaidzo dza ikonomi, zwihuluhulu u gonya ha mitengo.” e
Vhalani thero ine ya ri “Mitengo Ya Zwithu I Khou Ya I Tshi Gonya Shangoni Ḽoṱhe.”
Ṅwaha u tevhelaho wo ri farela zwifhio?
A hu na ane a ḓivha zwine zwa ḓo itea nga 2023. Zwine ra zwi ḓivha ndi uri hu si kale Muvhuso wa Mudzimu u ḓo shandukisa ḽifhasi. (Daniele 2:44) Wonoyu muvhuso u ḓo fhelisa zwithu zwine zwa ita uri vhathu vha tambule na u ita vhungoho ha uri zwine Mudzimu a zwi funa zwi itwe kha ḽifhasi.—Mateo 6:9, 10.
Ri ni ṱuṱuwedza uri ni tevhedze nyeletshedzo ya Yesu Kristo na uri ni ‘dzule no fhaṱuwa’ uri ni kone u vhona nḓila ine zwiitea zwi ḽino shango zwa tshimbidzana ngayo na zwe Bivhili ya dzula yo amba uri zwi ḓo itea. (Marko 13:37) Ri humbela uri ni ri kwame, uri ni gude nḓila ine Bivhili ya nga ni thusa ngayo zwino na nḓila ine ya nga ni thusa inwi na muṱa waṋu uri ni vhe na fhulufhelo ḽa vhumatshelo ha khwine.
a AP News, “2022 Was Year the Horror of War Returned to Europe,” nga vho Jill Lawless, 8 December 2022.
b World Food Programme, “A Global Food Crises.”
c JAMA Health Forum, “Living in an Age of Pandemics—From COVID-19 to Monkeypox, Polio, and Disease X,” nga vho Lawrence O. Gostin, JD, 22 September 2022.
d Earth.Org, “What’s Behind the Record-Breaking Extreme Weather Events of Summer 2022?” nga vho Martina Igini, 24 October 2022.
e Carnegie Endowment for International Peace, “Economic Anger Dominated Global Protests in 2022,” nga vho Thomas Carothers and Benjamin Feldman, 8 December 2022.
You May Also Like
TSHIINGAMO
Mudzimu U Ḓo Fhelisa Tshengelo Yoṱhe Hu Si Kale
Ri zwi ḓivha hani uri hu si kale Mudzimu u ḓo fhelisa tshengelo yoṱhe na u haṱulwa nga nḓila i si yavhuḓi?
ESSENTIAL BIBLE TEACHINGS
Muvhuso Wa Mudzimu Ndi Mini?
Tshifhingani tsha vhuḓinḓa hawe kha ḽifhasi, Yesu o funza nga ha Muvhuso wa Mudzimu u fhira dziṅwe thero dzoṱhe. Vhathu vho fhedza maḓana a miṅwaha vha tshi khou rabelela uri wonoyo Muvhuso u ḓe.
NGA HA RIṊE
Humbelani U Dalelwa
Haseledzani mbudziso i bvaho Bivhilini kana ni gude zwo engedzeaho nga ha Ṱhanzi dza Yehova.
