Musi tshiimiswa tsha mafhungo tsha Catholic News Service tshi tshi khou vhiga nga ha zwe zwa itea vhuṱamboni ha ḽa 25 March 2022 ngei St. Peter’s Basilica, tsho ri Mupapa Vho Francis vho ima phanḓa ha tshifanyiso tsha Maria “vha bonya maṱo vha kotamisa ṱhoho vha rabela.” Vho “rabela vha humbela Maria” uri hu vhe na mulalo. Muvhigo wa Vatican News wo dovha wa amba uri “Mupapa vho ima phanḓa ha tshifanyiso tshine tsha vhidzwa Immaculate Heart of Mary vha rabela thabelo ine ya pfi Act of Consecration vha tshi khou rabelela vhathu vhoṱhe, zwihuluhulu vha Russia na Ukraine.”

 Naa zwo tea u rabela zwifanyiso kana u zwi shumisa u gwadamela Mudzimu? Inwi ni zwi vhona hani? Ṱhogomelani uri Maṅwalo a tevhelaho a ri mini:

•   “U songo ḓivhaḓela tshifanyiso kana u ita tshifanyiso tsha zwa ṱaḓulu kana zwi re kha ḽifhasi kana zwi re maḓini. U songo zwi gwadamela kana wa ungeledzwa uri u zwi shumele, ngauri nṋe Yehova Mudzimu wau ndi Mudzimu ane a ṱoḓa u tshi ḓikumedza tshoṱhe khae.”—Ekisoda 20:4, 5.  a

•   “Midzimu yavho ya zwifanyiso ndi ya siḽiva na musuku, ndi mishumo ya zwanḓa zwa vhathu. I na milomo, fhedzi a i ambi; i na maṱo, fhedzi a i vhoni; i na nḓevhe, fhedzi a i pfi; i na ningo, fhedzi a i nukhedzi; i na zwanḓa, fhedzi a i fari; i na milenzhe, fhedzi a i tshimbili; a hu na ipfi ḽi bvaho mikuloni yayo. Vhathu vho i itaho vha ḓo fana nayo, khathihi na vhane vha i fhulufhela.”—Phisalema 115:4-8.

•   “Ndi nṋe Yehova. Ndi ḽone dzina ḽanga; a thi kovhekani vhugala hanga na muṅwe muthu. U rendwa hanga a thi hu ṋei zwifanyiso zwo vhaḓwaho.”—Yesaya 42:8, ṱhaluso ya magumoni a siaṱari.

•   “Ni songo rabela midzimu ya zwifanyiso.”—1 Vhakorinta 10:14.

•   “Ṱutshelani kule na midzimu ya zwifanyiso.”—1 Yohane 5:21.

 FU itela u wana mafhungo o engedzeaho nga ha zwine Bivhili ya zwi amba nga ha u shumisa zwifanyiso kha u gwadamela Mudzimu, vhalani thero ine ya ri “The Bible’s Viewpoint—Images” kana ni ṱalele vidio ine ya ri: Naa Mudzimu U A Ṱoḓa Ri Tshi Mu Gwadamela Ri Tshi Shumisa Zwifanyiso?

 Ni nga dovha na vhala nga zwine Bivhili ya zwi amba nga ha hedzi thero:

•   Bivhili I Ri Mini Nga Ha Maria, Musidzana We A Vha Na Ṅwana A Sa Athu U Ita Zwa Vhudzekani?

•   “Should You Pray to the Virgin Mary?”

•   “Miracles and Apparitions—Signs From God?”

•   “Peace on Earth—How Will It Come?”

Photo credit: Vincenzo Pinto/AFP via Getty Images