Vha World Health Organization (WHO) vho amba uri u swika nga dzi 23 dza May 2022, ho lovha vhathu vha 6.27 miḽioni nga nṱhani ha COVID-19. Fhedzi nga dzi 5 dza May 2022, vhoramafhungo vho amba uri vha WHO vho vhiga uri yeneyo mbalo yo engedzea. Vha amba uri nga 2020 na nga 2021, vhathu vho vhulawaho nga COVID-19 vha nga swika 14.9 miḽioni. Bivhili i amba mini nga ha zwenezwi zwithu zwi ṱungufhadzaho?

•    Yesu o dzula o amba uri “maḓuvhani a vhufhelo” hu ḓo vha na “malwadze.”—Luka 21:11; 2 Timotheo 3:1.

 Zwe Yesu a zwi amba zwi khou itea ṋamusi. U itela u guda zwo engedzeaho, vhalani thero ine ya ri “What Is the Sign of ‘the Last Days,’ or ‘End Times’?”

•    “Mudzimu wa u khuthadza hoṱhe” u “ri khuthadza kha milingo yoṱhe.”—2 Vhakorinta 1:3, 4.

 Vhunzhi ha vhathu vhe vha lovhelwa nga vhane vha vha funa, vho khuthadzwa nga Bivhili. Gudani zwo engedzeaho kha thero ine ya ri “Coping With Grief—What You Can Do Today“ na ine ya ri “The Best Help for Those Who Grieve.”

•    “Muvhuso wau u ḓe. Zwine wa zwi funa nga zwi itwe fhano kha ḽifhasi vhunga zwi tshi itwa ngei ṱaḓulu.”—Mateo 6:10.

 Hu si kale “Muvhuso wa Mudzimu” u ḓo ita vhungoho ha uri hu si vhe “na mudzulapo ane a ḓo ri: ‘Ndi a lwala.’” (Marko 1:14, 15; Yesaya 33:24) U itela u ḓivha zwine muvhuso wa ṱaḓulu wa ḓo zwi ita, ṱalelani vidio ine ya ri Muvhuso Wa Mudzimu Ndi Mini?

 Ri ni humbela uri ni gude zwo engedzeaho nga ha zwine Bivhili ya zwi amba u itela uri inwi na muṱa waṋu, ni vhuyelwe nga zwithu zwavhuḓi zwine Bivhili ya zwi fhulufhedzisa.