Nga dzi 27 January 2023, vhathu vhanzhi vha ḓo pembelela International Holocaust Remembrance Day. Zwithu zwivhi zwe zwa itea miṅwaha ya 75 yo fhiraho zwi ita uri ri ḓivhudzise uri ndi ngani Mudzimu o tendela vhathu vhanzhi ngaurali vha tshi vhulaiwa.

•    U itela u wana zwine Bivhili ya zwi amba nga ha eneo mafhungo vhalani thero ine ya ri, “Ndi Ngani Ho Vhulawa Vhathu Vhanzhi Nga Nḓila Ya Tshiṱuhu? Ndi Ngani Mudzimu A Songo Zwi Thivhela?”

 Vhathu vha Vhayuda vho tambula vhukuma nahone vho vhulaiwa lwa tshiṱuhu. Ho vhulaiwa vhathu vha dzimiḽioni. Vhathu vha zwiṅwe zwigwada na vhone vho vha vha tshi khou tovholwa nahone na vhone vho vhulaiwa nga tshenetsho tshifhinga. Vhaṅwe vhavho ho vha hu Ṱhanzi dza Yehova, vho tovholwa nga nṱhani ha zwine vha tenda khazwo.

•    U itela u guda zwo engedzeaho vhalani thero ine ya ri, “Ho Itea Mini Kha Ṱhanzi Dza Yehova Nga Zwifhinga Zwa Holocaust [U Vhulawa Ha Vhayuda Nga Vhanazi Nga Tshifhinga Tsha Nndwa Ya Shango Ya Vhuvhili]?”

 Vhathu vhanzhi vha ofha uri zwi nga dovha zwa itea, ha vhulaiwa vhathu nga vhunzhi nga nḓila ya tshiṱuhu. Zwi takadzaho ndi uri Bivhili i ri vhudza uri hu ḓo swika tshifhinga tshine zwenezwo zwithu zwi si tsha ḓo dovha zwa itea.

•     “‘Ngauri zwine nda khou zwi humbula nga ha inwi ndi a zwi ḓivha,’ u ralo Yehova, ‘ndi zwa mulalo, hu si zwa khombo, uri ndi ni ṋee vhumatshelo havhuḓi na fhulufhelo.”—Yeremia 29:11. a

 Zwenezwo zwi ḓo itea musi Yehova a tshi fhelisa vhuvhi na thaidzo dzoṱhe dzi re hone. Hu si kale u ḓo:

•    Fhelisa vhathu vhane vha pfisa vhaṅwe vhuṱungu.—Mirero 2:22.

•    Fhodza vhe vha pfiswa vhuṱungu.—Nzumbululo 21:4.

•    Vusa vho lovhaho uri vha dovhe vha tshile kha ḽifhasi.—Yohane 5:28, 29.

 Ni nga fhulufhela zwine Bivhili ya zwi fhulufhedzisa. U itela u guda uri ndi ngani, ri ni ramba uri ni ṱanganedze pfunzo yashu ya Bivhili ya mahala.