U mona na shango ḽoṱhe, vhunzhi ha vhathu vha khou balelwa u wana tshelede ya u renga zwine vha zwi shaya nahone zwi khou tou ṋaṋa zwi tshi ya.

•   U ya nga muvhigo wa shango ḽoṱhe,  a “vhathu a vha tsha kona u renga zwithu zwo eḓanaho nga nṱhani ha uri a vha tsha hola tshelede nnzhi.” Wonoyo muvhigo wo dovha wa amba uri “arali hu sa dzhiiwa vhukando, hu ḓo vha na phambano khulwane vhukati ha vhathu vho pfumaho na vha si na tshelede nahone vhunzhi ha vhathu vha ḓo vha vhashai.”

 Naa mivhuso i nga kona u tandulula yeneyi thaidzo ya zwa ikonomi?

 Bivhili i amba uri hu na muvhuso une wa ḓo kona u tandula thaidzo dzoṱhe dza zwa ikonomi na u ita uri vhathu vhoṱhe vha lingane hu si na o pfumaho u fhira muṅwe. I ri “Mudzimu wa ṱaḓulu u ḓo vhumba muvhuso,” une wa ḓo vhusa shango ḽoṱhe u woṱhe. (Daniele 2:44) Musi hu tshi vhusa wonoyo muvhuso, a hu na ane a ḓo hangwiwa. (Phisalema 9:18) Muvhuso wa Mudzimu u ḓo ita vhungoho ha uri vhadzulapo vhoṱhe vha na zwithu zwine vha zwi ṱoḓa u itela uri vha takale. Vhoṱhe vha ḓo ḓiphina nga malamba a mishumo ya zwanḓa zwavho.—Yesaya 65:21, 22.