Vhathu zwi a vha vhaisa musi vhane vha tea u vha fhulufhela vha sa fhulufhedzei. Vhanzhi a vha tsha kona u fhulufhela . . .

•   vhorapolitiki vhane vha ita zwithu u itela u vhuyedza vhone vhaṋe fhedzi.

•   zwiimiswa zwa mafhungo zwine zwa kundelwa u anḓadza mafhungo a vhukuma.

•   vhorasaintsi vhane vha ita zwi sa vhuyedzi vhathu.

•   vharangaphanḓa vha vhurereli vhane vha dzhia sia kha zwa politiki nṱhani ha u imelela Mudzimu.

 Zwo tea uri vhathu vha vhe na vhulondi musi zwi tshi ḓa kha ane vha nga mu fhulufhela. Bivhili i ri:

•   “Ni songo fhulufhela vharangaphanḓa kana na fhulufhela murwa muthu, ane a si kone u tshidza.”—Phisalema 146:3.

  Bivhili i amba nga ha muthu ane na nga mu fhulufhela ane a vha Yesu Kristo. Yesu o vha a sa sokou vha munna o lugaho we a tshila miṅwahani minzhi yo fhiraho. Mudzimu o nanga Yesu uri a vhe “Khosi . . . , Muvhuso wawe u nga si vhe na magumo.” (Luka 1:32, 33) Yesu ndi Khosi ya Muvhuso wa Mudzimu une wa khou vhusa ṱaḓulu zwino.—Mateo 6:10.

•   U itela u guda uri ndi ngani ri tshi nga fhulufhela Yesu, vhalani thero “Ndi Nnyi Ane A Ḓo Vha Khosi?” na “U Ḓo Ni Itela Mini?”