Nndwa ngei Ukraine na mutsho u si wavhuḓi zwi khou ita uri hu vhe na ṱhahelelo ya zwiḽiwa shangoni ḽoṱhe. Zwenezwi zwi khou itea kha mashango ane a shaya, hune vhunzhi ha vhathu vha khou ṱahela zwiḽiwa.

•   “Dzinndwa, mutsho u si wavhuḓi na u ḓura ha mapfura, muḓagasi na zwiṅwe zwo thithisa u bveledzwa ha zwiḽiwa zwa ita uri zwi ṱahele.”—António Guterres, UN secretary-general, 17 July 2023.

•   “Samusi Russia ḽi si tsha ṱoḓa u rengiselana na maṅwe mashango, zwi ḓo ita uri zwiḽiwa zwi ṱahele shangoni ḽoṱhe na u ita uri zwi ḓurese kha mashango ane a si vhe na tshelede nnzhi, zwihuluhulu mashango a re Devhula Afrika na Vhubvaḓuvha Kati.”—Atalayar.com, 23 July, 2023.

 Ipfani zwine Bivhili ya amba nga ha u ṱahela ha zwiḽiwa na zwine zwa ḓo itea tshifhingani tshi ḓaho.

•   Yesu o porofita uri: “Lushaka lu ḓo lwa na luṅwe lushaka na muvhuso wa lwa na muṅwe muvhuso, ha vha na nḓala.”—Mateo 24:7.

•   Bivhilini, bugu ya Nzumbululo i amba nga ha vhaṋameli vha bere vha lwa pfanyisedzo vhaṋa. Muṅwe wa vhenevho vhaṋameli vha dzibere u imela nndwa. U tevhelwa nga muṅwe ane a imela nḓala kana tshifhinga tshine zwiḽiwa zwa ḓo vha zwi khou ṱahela na u ḓuresa. Bivhili i ri: “Ndi tshi lavhelesa nda vhona bere ntswu, o i namelaho o fara tshikalo. Nda pfa tshi ambaho . . . tshi tshi ri, ‘Muholo woṱhe wa munna wa ḓuvha ḽithihi u vho ḓo renga koṱikoṱi ya goroi fhedzi, kana koṱikoṱi tharu dza bali.’”—Nzumbululo 6:5, 6, Bivhili Khethwa.

 Honovhu vhuporofita vhu re Bivhilini vhu khou itea zwino nga tshifhinga tshine Bivhili ya tshi vhidza ‘maḓuvha a vhufhelo.’ (2 Timotheo 3:1) U itela u guda zwo engedzeaho nga ha ‘maḓuvha a vhufhelo’ na nga ha vhaṋameli vhaṋa vha dzibere, ṱalelani vidio Vhuimo Ha Shango Ho Shanduka U Bva Nga 1914 ni vhale na thero ine ya ri “Vhaṋameli Vhaṋa Vha Dzibere—Ndi Vhonnyi?”

•   Bivhili i amba nga ha zwine zwa nga ni thusa uri ni kone u konḓelela vhuimo vhu konḓaho vhu ngaho u ḓura na u ṱahela ha zwiḽiwa. Sa tsumbo, vhalani thero ine ya ri “How to Live on Less.”

•   Bivhili i dovha ya fhulufhedzisa uri zwithu zwi ḓo luga. I fhulufhedzisa tshifhinga tshine ha ḓo vha hu na “mavhele manzhi kha ḽifhasi” nahone muṅwe na muṅwe u ḓo vha e na zwiḽiwa zwinzhi. (Psalme 72:16) U itela u guda zwo engedzeaho nga ha zwenezwi na uri ndi ngani ni tshi nga zwi fhulufhela, vhalani thero ine ya ri “A Real Hope for a Better Tomorrow.”