“Thaidzo dza mupo dzi khou vhilaedzisa vhathu na u kwama nga nḓila i si yavhuḓi zwithu zwoṱhe zwi tshilaho. Maḓumbu a re na maanḓa a khou engedzea nga nṱhani ha uri mutsho a u tsha vha nga nḓila yo ḓoweleaho. A khou tshinyadza miḓi na u kwama nga nḓila khulwane nḓila ine vhathu vha tshila ngayo u mona na shango. Lwanzheni hu khou ṋaṋa u vha na mufhiso nahone zwenezwi zwi nga ita uri zwithu zwinzhi zwi re lwanzheni zwi si tsha kona u tshila.”—Vho Inger Andersen, under-secretary-general of the United Nations and executive director of the UN Environment Programme, 25 July 2023.

 Naa vhavhusi vha nga shumisana u itela u tandulula yeneyi thaidzo ya shango ḽoṱhe? Naa vha nga kona u tandulula dzenedzi thaidzo lwa tshoṱhe?

 Bivhili i amba nga ha muvhuso une wa nga kona u tandulula thaidzo dzoṱhe dza mupo kha ḽifhasi nahone u ḓo dzi tandulula. Bivhili i amba uri “Mudzimu wa ṱaḓulu u ḓo vhumba muvhuso” une wa ḓo vhusa na u tandulula thaidzo ḽifhasini ḽoṱhe. (Daniele 2:44) Musi hu tshi khou vhusa wonoyu muvhuso, vhathu a vha nga ‘huvhadzani na luthihi’ kana u tshinyadza ḽifhasi.—Yesaya 11:9.