Nga dzi 24 dza May 2022, ho itea zwithu zwi ṱungufhadzaho ngei ḓoroboni thukhu ya Uvalde, Texas, U.S.A. Gurannḓa ya The New York Times yo amba uri “muṅwe munna o thuntsha vhana vha 19 na vhadededzi vhavhili tshikoloni tsha primary tshine tsha vhidzwa Robb.”

 Ndi zwithu zwine zwa anzela u itea, zwi a ṱungufhadza vhukuma. Gurannḓa ya USA Today yo amba uri ngei United States zwithu zwo raloho zwo itea lwa “249 ṅwaha wo fhelaho. Tshivhalo tshingafha ro guma u tshi pfa nga 1970.”

 Ndi ngani zwithu zwi ṱungufhadzaho lungafha zwi tshi itea? Ri nga konḓelela hani zwithu zwivhi zwine zwa khou itea? Naa vhuvhi hoṱhe vhu ḓo vhuya ha fhela? Phindulo ya dzenedzi mbudziso ri nga i wana Bivhilini.

•    Bivhili i amba uri tshifhinga tshine ra khou tshila khatsho ndi “maḓuvhani a vhufhelo,” vhathu “a vha nga vhi na lufuno” nahone “vha ḓo ita zwa dzikhakhathi” zwine zwa amba uri vha ḓo vha na tshiṱuhu. Vhenevho vhathu “vha ḓo ṋaṋa u ita vhuvhi.” (2 Timotheo 3:1-5, 13) U itela u guda zwo engedzeaho, vhalani thero ine ya ri “Did the Bible Predict the Way People Think and Act Today?”

 Vhathu vhanzhi vha a ḓivhudzisa uri ‘Ndi ngani Mudzimu a sa thivheli zwithu zwivhi zwi ngaho u thuntshwa ha vhana vha tshikolo na vhadededzi?’ U itela u wana phindulo i bvaho Bivhilini, vhalani thero ine ya ri “Bad Things Happen to Good People—Why?”

•    “Zwithu zwoṱhe zwo ṅwaliwaho kale zwo ṅwalelwa u ri funza, uri nga u . . . khuthadzwa nga Maṅwalo ri vhe na fhulufhelo.”—Vharoma 15:4.

 Zwine Bivhili ya zwi amba, zwi nga ri thusa uri ri konḓelele vhuvhi vhu re hone shangoni. U itela u wana mafhungo o engedzeaho, vhalani magazini wa Awake! u re na tshiṱoho tshine tsha ri “Will Violence Ever End?”

 Uri vhabebi vha thuse vhana uri vha sedzane na zwithu zwi tshuwisaho zwine vha zwi vhona na u zwi pfa kha mafhungo, vha nga vhala thero ine ya ri “Disturbing News Reports and Your Children.”

•    “U ḓo vha lamulela musi vha tshi khou tsikeledzwa na musi vhe khakhathini.”—Phisalema 72:14.

•    “Mabanga avho vha ḓo ita madzembe ngao, mapfumo avho vha ḓo ita makhavha ngao. Lushaka a lu tsha ḓo lwa na luṅwe lushaka, a vha tsha ḓo dovha vha guda u lwa.”—Mika 4:3.

 Mudzimu u ḓo ita zwithu zwine vhathu vha balelwa u zwi ita. Muvhuso wawe u re ṱaḓulu u ḓo fhelisa zwihali na khakhathi dzoṱhe dzine dza khou itea. U itela u ḓivha zwiṅwe zwine Muvhuso Wa Mudzimu wa ḓo zwi ita, vhalani thero ine ya ri “Under God’s Kingdom ‘Peace Will Abound.’”