U mona na shango ḽothe, vhunzhi ha vhathu vha khou sedzana na miḓalo i tshinyadzaho. Ṱhogomelani mivhigo i tevhelaho:

•   “Ḓoroboni khulwane ya China ho na mvula khulwanesa ye ya fhira ye ya vhuya ya na miṅwahani ya 140 yo fhiraho. U bva nga Mugivhela u swika nga Ḽavhuraru ho na mvula khulwane ya . . . miḽimithara dza 744.8.”—AP News, 2 August 2023.

•   “Ḓumbumazwikule Khanun ḽo ḓisa mvula khulwane na mimuya tshipembe ha Japan lwa vhuvhili nga Ḽavhuṋa, ḽa vhulaya vhathu vhavhili. . . . Ho lavhelelwa uri ḽeneḽi ḓumbu ḽi ḓo ḓisa mvula i ṱoḓaho u vha mithara dza 0.6 kha shango ḽa Taiwan ḽi re dzithavhani.”—Deutsche Welle, 3 August 2023.

•   “Miḓalo ye ya vha hone mafheloni a vhege [ngei Nova Scotia] yo vhangwa nga mvula khulwanesa ye ya na ngei Atlantic Canada kha miṅwaha ya 50 yo fhiraho.”—BBC News, 24 July 2023.

 Bivhili i ri mini nga zwiitea zwo raliho?

 Bivhili i bvisela khagala uri ri khou tshila tshifhingani tshine tsha vhidzwa ‘maḓuvha a vhufhelo.’ (2 Timotheo 3:1) Yesu o dzula o porofita uri tshifhingani tshashu ri ḓo vhona zwithu “zwi ofhisaho” kana zwi tshuwisaho. (Luka 21:11) U shanduka ha mupo ndi tshiṅwe tsha zwivhangi zwa mutsho u ofhisaho na wo kalulaho.

 Bivhili i amba uri zwithu zwi ofhisaho zwine zwa khou itea kha ḽifhasi, zwi ita uri ri vhe na fhulufhelo. Ndi ngani? Ndi ngauri Yesu o ri: “Ni tshi vhona zwenezwi zwithu, ni zwi ḓivhe uri Muvhuso wa Mudzimu u tsini.”—Luka 21:31; Mateo 24:3.

 Zwithu zwine zwa khou itea zwi sumbedza uri hu si kale Muvhuso wa Mudzimu u ḓo ita uri zwithu zwa mupo zwi vhuyelele ngonani, u katela na nḓila ine maḓi a vha hone ngayo.—Yobo 36:27, 28; Phisalema 107:29.

 U itela u guda zwo engedzeaho nga ha uri Muvhuso wa Mudzimu u ḓo ita hani uri zwithu zwa mupo zwi vhuyelele ngonani, vhalani thero ine ya ri: “Who Will Save the Earth?”