Zwigevhenga zwi khou vhanga khakhathi ngei Haiti. Vhugevhenga vhu khou ita uri vhathu vha tambule fhano Afrika Tshipembe na Mexico u katela na kha maṅwe mashango a Amerika. Na kha mashango ane vhuvhi ho no fhungudzea, vhathu vha kha ḓi ḓipfa vha songo tsireledzea nahone vha a tsikeledzea musi vha tshi pfa nga ha mivhigo ya dzikhakhathi dzine dza khou itea.

 Bivhili i ri mini nga ha vhuvhi vhune ha khou itea shangoni ḽoṱhe?

 Bivhili yo dzula yo amba uri vhuvhi ndi tshiṅwe tsha zwiga zwine zwa ḓo sumbedza uri “vhufhelo ha shango” vhu tsini. (Mateo 24:3) Yesu Kristo o dovha a amba nga ha zwiṅwe zwine zwa ḓo itea nga nṱhani ha vhuvhi, o ri:

•   “Lufuno lwa vhathu vhanzhi lu ḓo fhungudzea nga nṱhani ha u engedzea ha vhuvhi.”—Mateo 24:12.

 Bivhili yo dovha ya amba uri “maḓuvhani a vhufhelo,” vhathu “a vha nga koni u ḓifara, vha ḓo ita zwa dzikhakhathi, a vha nga funi zwivhuya.” (2 Timotheo 3:1-5) Zwenezwi zwithu zwi ita uri hu vhe na vhuvhi vhune ra khou vhu vhona ṋamusi.

 Fhedzi a ro ngo tea u fhulufhuwa. Bivhili i fhulufhedzisa uri hu si kale vhuvhi vhu ḓo fheliswa.

•   “Hu si kale vhavhi a vha tsha ḓo vha hone; u ḓo sedza he vha vha vhe hone, wa wana vha si tsheeho. Fhedzi vho vuḓaho vha ḓo vha vhaṋe vha ḽifhasi, vha ḓo takadzwa vhukuma nga muḓalo wa mulalo.”—Phisalema 37:10, 11.

 Gudani zwinzhi nga ha mulaedza wa fhulufhelo u bvaho Bivhilini na uri ndi ngani ri tshi nga vha na vhungoho ha uri zwine zwa khou itea ṋamusi ndi zwe Bivhili ya dzula yo zwi amba. Vhalani thero dzi tevhelaho.

 “A Real Hope for a Better Tomorrow”

 “What Is the Sign of ‘the Last Days,’ or ‘End Times’?”

 “Did the Bible Predict the Way People Think and Act Today?”