Samusi ro zwi vhona nga tshifhinga tsha nndwa ngei Ukraine, Vharangaphanḓa vha vhurereli ha Vhakriste vha ṱuṱuwedza vhathu uri vha dzhie sia kha nndwa. Ṱhogomelani uri vhathu vha vhurereli vha tikedza hani nndwa:

•   Metropolitan Epiphanius I wa ngei Kyiv o amba uri: “Ri ḓirwa khana na u ḓihulisa nga maswole oṱhe a ne a khou lwela vhathu vha Ukraine kha swina ḽashu. Ni dzule ni tshi humbula uri ri na vheiwe, ri ḓo dzula ri tshi ni tikedza na u ni rabelela.”—The Jerusalem Post, 16 March 2022.

•   “Muhulwane wa kereke ya Orthodox ya Russia, o ita muṱangano a tshi khou ṱuṱuwedza maswole a Russia uri kha vha bvele phanḓa na u lwela shango ḽavho samusi maswole a Russia a tshi khou bvela phanḓa na nndwa ngei Ukraine.”—Reuters, 3 April 2022.

 Naa Vhakriste vha tea u dzhenelela kha nndwa? Bivhili i ri mini nga hazwo?

 Bivhili i sumbedza uri vhane vha vha vhatevheli vha Yesu Kristo vha ngoho, a vha dzheneleli kha dzinndwa.

•   “Vhuyedzedza banga ḽau vhudzuloni haḽo, ngauri vhoṱhe vhane vha fara banga vha ḓo fa nga banga.”—Mateo 26:52.

   Naa muthu ane a tikedza na u lwa nndwani u vha a tshi khou tevhedza zwine maipfi a Yesu Kristo a amba zwone?

•   “Ndi khou ni ṋea mulayo muswa, wa uri ni funane; samusi na nṋe ndo ni funa. Arali ni tshi funana, ndi hone vhathu vhoṱhe vha tshi ḓo ḓivha zwa uri ni vhafunziwa vhanga.”—Yohane 13:34, 35.

   Naa muthu ane a tikedza nndwa u vha a tshi khou sumbedza lufuno lu fanaho na lwe Yesu Kristo a ri vhatevheli vhawe vha ḓo vhonala ngalwo?

 U itela u wana zwo engedzeaho, vhalani thero “Is War Compatible With Christianity?”

 Naa zwi a pfala uri Vhakriste vha sa ḓi dzhenise kha dzinndwa ṋamusi? Ee. Bivhili yo dzula yo amba hu tshee nga phanḓa uri tshifhingani tshashu, tshifhingani tsha “maḓuvhani a vhufhelo,” hu ḓo vha na vhathu vhane vhabva kha tshaka dzoṱhe vhane “a vha tsha ḓo dovha vha guda u lwa” u tendelana na pfunzo ya Yesu Kristo.—Yesaya 2:2, 4.

•   U itela u wana zwo engedzeaho, vhalani thero dza Tshiingamo tshine tsha vha na tshiṱoho “Ndi Afhio Mavhonele A Mudzimu Nga Ha Nndwa?”

 Hu si kale Yehova, a “Mudzimu wa mulalo,” u ḓo shumisa muvhuso wawe wa ṱaḓulu u itela u tsireledza vhathu vhawe samusi vha tshi khou ‘tsikeledzwa nahone vhe khakhathini.’—Vhafilipi 4:9; Phisalema 72:14.

•   U itela u vhona uri zwenezwo zwi ḓo itea hani, ṱalelani vidio ine ya vha na tshiṱoho Muvhuso Wa Mudzimu Ndi Mini?