U ya nga ha ṱhoḓisiso a ye ya itwa shango ḽoṱhe, ho waniwa uri muthu muthihi kha vhaṋa u ḓipfa e na vhuludu.

•   “Muthu muṅwe na muṅwe hu sa londwi uri u na miṅwaha mingana na uri u ngafhi a nga ḓifhambanya na vhaṅwe.”​—Vho Chido Mpemba, muṅwe wa vharangaphanḓa vha World Health Organization’s Commission on Social Connection.

 U fhambana na zwine vhathu vha zwi humbula, vhuludu a vhu kwami fhedzi vhathu vhahulwane kana vhathu vhane vha ḓifhambanya na vhaṅwe, fhedzi vhu dovha ha kwama na vhaswa, vha re na mutakalo wavhuḓi, vho bvelelaho, na vha re mbinganoni. U ḓifhambanya na vhaṅwe na vhuludu zwi nga kwama mutakalo wa muthu na nḓila ine a ḓipfa ngayo.

•   Vho Dokotela Vivek Murthy, dokotela muhulwane wa United States vho ri: “U vha na vhuludu zwo fhambana kule na u sa sokou ḓipfa zwavhuḓi.” Vho dovha vha ri: “Hu na khonadzeo ya uri muthu a si na vhushaka na vhaṅwe a nga ṱavhanya a fa u fana na muthu ane a daha mafola a 15 nga ḓuvha.”

 Musiki washu ha ṱoḓi ri tshi ḓifhambanya na vhaṅwe. U bva kale Mudzimu o dzula a tshi ṱoḓa uri vhathu vha vhe na vhushaka vhu takadzaho na vhaṅwe.

•   Zwine Bivhili ya zwi amba: “Mudzimu a ri: ‘A si zwavhuḓi munna a tshi dzula e eṱhe.’”​—Genesi 2:18.

 Mudzimu u ṱoḓa ri tshi vha na vhushaka nae. U fhulufhedzisa uri u ḓo sendela tsini na riṋe, arali ra ita vhuḓidini ha uri ri sendele tsini nae.​—Yakobo 4:8.

•   Zwine Bivhili ya zwi amba: “Hu takala vhane vha ṱhogomela uri vha ṱoḓa u ḓivha Mudzimu, ngauri Muvhuso wa ṱaḓulu ndi wavho.”​—Mateo 5:3.

 Mudzimu u ṱoḓa ri tshi mu gwadamela ri na vhaṅwe. Musi ri tshi ita nga u ralo zwi ita uri ri takale.

•   Zwine Bivhili ya zwi amba: “Kha ri ḓivhane khwine uri ri kone u funana nga ho engedzeaho na u ita mishumo mivhuya, ri songo litsha u kuvhangana nga tshashu, . . . fhedzi ri ṱuṱuwedzane.”​—Vhahevheru 10:24, 25

 U itela u ḓivha zwo engedzeaho nga uri ndi ngani zwi zwa ndeme u lwisana na vhuludu, vhalani thero ine ya ri “Loneliness in a World of Mass Connection.”