Hu khou ṱanganedzwa nnyi? Muṅwe na muṅwe ane a ḓa miṱanganoni yashu ya Vhukriste, vhathu vhaswa na vhane ndi kale vha tshi khou ṱanganela. (Rom 15:7; Heb 13:2) A nga kha ḓi vha e wahashu o dalaho a tshi bva kha ḽiṅwe shango kana Mukriste o fholaho ane ndi kale o guma u ḓa miṱanganoni. Edzani u humbula nḓila ye na vha ni tshi ḓo ḓipfa ngayo arali no vha ni kha honoho vhuimo. Naa no vha ni sa ḓo takalela u ṱanganedzwa nga lufuno? (Mat 7:12) Nga zwenezwo, itani vhuḓidini ha u lumelisa vhathu Holoni ya Muvhuso musi miṱangano i sa athu u thoma na musi i tshi fhela. Zwenezwi zwi ita uri hu vhe na lufuno tshivhidzoni nahone zwi hulisa Yehova. (Mat 5:16) Ndi ngoho uri zwi nga kha ḓi itea uri ni kundelwe u amba na muṅwe na muṅwe a re hone. Naho zwo ralo, muthu muṅwe na muṅwe u ḓo ḓipfa o ṱanganedzea arali ra ita mukovhe washu. *

A ro ngo fanela u ṱanganedza vhathu fhedzi nga zwiitea zwo khetheaho sa Tshihumbudzo, ri tea u vha ṱanganedza tshifhinga tshoṱhe. Musi vhathu vhaswa vha tshi sumbedzwa lufuno lwa Vhukriste, zwi nga vha sudzulusela u renda Mudzimu na u ṱanganela na riṋe kha vhurabeli ho kunaho.—Yoh 13:35.