U TSHILA SA VHAKRISTE
U huwelela na u funza—Ndi Zwa Ndeme Kha U Ita Vhafunziwa
Yesu o laedza vhatevheli vhawe uri vha ye vha ite vhathu vhafunziwa. (Mat 28:19) Zwi katela u huwelela na u funza. Ri tea u dzula ri tshi ḓivhudzisa uri, ‘Ndi nga khwinisa hani kha u ita wonoyu mushumo wa ndeme wa u ita vhafunziwa?’
U HUWELELA
Nṱhani ha uri ri lindele uri vhathu vha ḓe kha rine, ri tea u ṱoḓa vha “faneleaho.” (Mat 10:11) Musi ri vhuḓinḓani, naa ri a ṱhogomela zwibuli zwa u amba ‘na vhathu vhane ra ṱangana navho’? (Mis 17:17) U huwelela ha Paulo nga u fhisea zwo ita uri Lidia a vhe mufunziwa.—Mis 16:13-15.
“Zwala mbeu yau hú tshee matsheloni; na nga madekwana tshanḓa tshau tshi songo awela” (Muh 11:6)
ṰALELANI VIDIO NI SONGO ‘LITSHA’ U BVELA PHANḒA NI TSHI HUWELELA—LU SONGO DZUDZANYWAHO NA NGA NNḒU NA NNḒU, NAHONE NI FHINDULE MBUDZISO DZI TEVHELAHO:
-
Kha vhutshilo hawe ha ḓuvha na ḓuvha, Samuele o sumbedza hani uri o vha a tshi ṱoḓa u ṱavha mbeu ya mafhungo ngoho?
-
Ndi ngani ri tshi tea u huwelela nga nḓila dzo fhambanaho naho zwi tshi konḓa?
-
Ndi nnyi ane na nga huwelela khae mulaedza wa Muvhuso hune na vha ni hone?
U FUNZA
U itela u ita vhafunziwa, ri tea u ita zwi fhiraho u sokou ṋea vhathu khandiso. Ri tea u vhuyelela khavho na u fara pfunzo dza Bivhili navho u itela uri vha ite mvelaphanḓa. (1Ko 3:6-9) Naho zwo ralo, hupfi mini arali ri sa vhoni mvelelo dzavhuḓi dza vhuḓidini hashu ha u gudisa ngoho? (Mat 13:19-22) Ri tea u bvelaphanḓa ri tshi ṱoḓa vha re na mbilu dzi ngaho ‘mavu avhuḓi.’—Mat 13:23; Mis 13:48.
“Nṋe ndo ṱavha, Apolo a sheledza, fhedzi Mudzimu ndi ene ane a medza” (1Ko 3:6)
ṰALELANI VIDIO NI SONGO ‘LITSHA’ U BVELA PHANḒA NI TSHI HUWELELA—FHETHU HA VHOMUTHUMUNZHI NA U ITA VHAFUNZIWA, NAHONE NI FHINDULE MBUDZISO DZI TEVHELAHO:
-
Salomo na Maria vho sheledza hani mbeu ya ngoho mbiluni ya Hesekiele na Abigaili?
-
Musi ri tshi huwelela nga nḓila dzo fhambanaho u katela na u huwelela khagala, tshipikwa tshashu tshi tea u vha tshifhio?
-
Ri nga ombedzela hani musi ri tshi funza vhaṅwe ngoho?
