U thoma ṋaṅwaha, ri ḓo vha na tshifhinga tsho engedzeaho tsha u lugiselela Tshihumbudzo tsha lufu lwa Kristo. Arali tshihumbudzo tshi vhukati ha vhege, Muṱangano Wa Vhutshilo Na Vhuḓinḓa u nga si farwe nga yeneyo vhege. Arali Tshihumbudzo tshi mafheloni a vhege, hu nga si farwe nyambo ya khagala na Tshiingamo. Naa ni ḓo shumisa tshenetsho tshifhinga nga vhuṱali? U fana na ḓanani ḽa u thoma ḽa miṅwaha, hu fanela u vha na ndugiselelo dza tshenetshi tshiitea tsho khetheaho. (Luk 22:7-13; km 3/15 1) Hu na zwiṅwe zwithu zwine roṱhe ra tea u zwi ita u itela u vhuyelwa nga tshenetshi tshiitea. Ndi zwifhio?

• U humbulisisa uri ndi ngani zwi zwa ndeme u vha hone kha tshenetsho tshiitea.—1Ko 11:23-26

• U rabela na u humbula nga ha vhushaka vhune na vha naho na Yehova.—1Ko 11:27-29; 2Ko 13:5

• U vhala na u elekanya nga ha khandiso dzine dza amba nga ha Tshihumbudzo.—Yoh 3:16; 15:13

Vhaṅwe vhahuweleli vha a vhala na u elekanya nga ha muvhalo wa Bivhili wa Tshihumbudzo une wa wanala kha bugu U Ṱolisisa Maṅwalo Ḓuvha Ḽiṅwe na Ḽiṅwe. Vhaṅwe vha vhala ndimana dza Bivhili dzi re kha tshati i re afho fhasi. Vhaṅwe vha vusulusa zwiṅwe Zwiingamo zwine zwa amba nga ha Tshihumbudzo na nga ha lufuno lwe Yehova na Yesu vha ri sumbedza lwone. Hu sa lwondwi uri ni khetha u shumisa mini, u nga ri zwine na khetha zwi nga ni sendedza tsini na Yehova na Murwa wawe.