Yakobo o lwa na muruṅwa ngauri o vha a tshi dzhia u fhaṱutshedzwa nga Yehova zwi zwa ndeme vhukuma. (Gen 32:24-31; Hos 12:3, 4) Naa na riṋe ro ḓiimisela u ita zwoṱhe zwine ra nga kona u itela u thetshelesa Yehova na u fhaṱutshedzwa ngae? Sa tsumbo, arali hu tshi pfi ni tea u nanga kha u ya muṱanganoni wa tshivhidzo na u shuma awara dzo engedzeaho mushumoni, ni nga nanga mini? Arali ri tshi shumisa tshifhinga tshashu, nungo dzashu na zwithu zwashu nga hune ra nga kona ngaho u itela u shumela Yehova, u ḓo ri “shululela phaṱhutshedzo u swika [ri] si tsha ṱahelelwa nga tshithu.” (Maḽ 3:10) U ḓo ri livhisa, u ri tsireledza na u ri ṋea zwine ra zwi ṱoḓa.—Mat 6:33; Hev 13:5.

ṰALELANI ḼITAMBWA ḼINE ḼA RI: DZULANI NO LIVHISA ṰHOGOMELO KHA U SHUMELA YEHOVA, NGA MURAHU NI FHINDULE MBUDZISO DZI TEVHELAHO:

• Wahashu o lingwa hani nga zwine a zwi funa?

• Mushumo washu wa u ḓitshidza u nga vha hani mulingo?

• Naho Timotheo o vha o no vha na vhushaka ho khwaṱhaho na Yehova, ndi ngani o vha a tshi tea u bvela phanḓa na u ḓivhetshela zwipikwa zwa u mu shumela?—1Ti 4:16

• Ri nga sumbedza hani uri ndi ufhio “mushumo une wa ḓa u thoma”?