VHUTSHILO HA MUKRISTE
“Laṱani Midzimu Ya Mazwifhi”
Naho Yehova o vha a sa athu vhea mulayo nga ha u gwadamela midzimu ya zwifanyiso, Yakobo o vha a tshi zwi ḓivha uri Yehova u ṱoḓa ri tshi ḓikumedza tshoṱhe khae. (Ek 20:3-5) Musi Yehova o no mu vhudza uri a humele Bethele, Yakobo o vhudza vhoṱhe vhe a vha e navho uri vha laṱe midzimu ya zwifanyiso. Yakobo o laṱa zwifanyiso u katela na zwiṅina zwe vhathu vha vha vha tshi zwi ambara u itela u ḓitsireledza. (Gen 35:1-4) A zwi timatimisi uri Yehova o takadzwa nga vhukando he Yakobo a vhu dzhia.
Ndi mini zwine ra nga zwi ita ṋamusi u itela u ḓikumedza tshoṱhe kha Yehova? Tsha ndeme vhukuma tshine ra nga tshi ita ndi u iledza tshiṅwe na tshiṅwe tshine tsha ṱumana na vhudimoni kana u gwadamela zwifanyiso. Zwenezwi zwi katela u laṱa zwoṱhe zwine zwa tshimbidzana na zwa madambi na u ṱolisisa vhuḓimvumvusi hashu nga vhuronwane. Ni nga ḓivhudzisa uri: Naa ndi takadzwa nga dzibugu kana mimuvi ine ya katela ma-vampire, maḓuxwani kana zwa vhuloi? Naa vhuḓimvumvusi hanga vhu ita uri zwa madambi na vhuloi zwi vhonale zwi tshi takadza nahone zwi si na khombo? Ri tea u iledza tshiṅwe na tshiṅwe tshine Yehova a tshi vhenga.—Ps 97:10.
ṰALELANI ḼITAMBWA ḼINE ḼA RI: “ILWANI NA DIABOLO,” NGA MURAHU NI FHINDULE MBUDZISO DZI TEVHELAHO:
-
Palesa ane a vha mugudiswa wa Bivhili o sedzana na thaidzo ifhio?
-
Ndi ngani zwi vhuṱali u humbela thuso kha vhahulwane vha tshivhidzo arali inwi, muṅwe muthu ane na mu ḓivha kana ane na guda nae Bivhili e na thaidzo ya zwa vhudimoni?
-
Arali ri tshi ṱoḓa uri Yehova a ri tsireledze ndi mini zwine ra tea u zwi laṱa?
-
Palesa o dzhia vhukando vhufhio?
-
Ndi mini zwine vhathu vha zwi shumisa u itela u ḓitsireledza kha madimoni hune na dzula hone?