NDI NGANI ZWI ZWA NDEME: Khandiso dzoṱhe dzine dza vha kha Bogisi Ḽashu Ḽa Zwishumiswa Zwa U Funza dzi ri livhisa kha jw.org. Tshipikwa tshihulwane tsha garaṱa ya vhukwamani na tshibammbiri Ri Nga Dzi Wana Ngafhi Phindulo Dza Mbudziso Dza Ndeme Vhutshiloni? ndi u livhisa vhathu uri vha dzhene kha website yashu. Ni nga shumisa jw.org u tshimbidza khandiso i bvaho kha Zwishumiswa Zwa U Funza ni tshi shumisa e-mail kana nga u shera linki zwine zwa nga thusa u huwelela kha muthu ane a amba luṅwe luambo. Zwiṅwe hafhu, vhathu vha nga vhudzisa mbudziso dzi si ho kha Bogisi Ḽashu Ḽa Zwishumiswa Zwa U Funza. Arali ri tshi nga shumisa website yashu, ri ḓo vha vhathu vha bvelelaho vhuḓinḓani.

NḒILA YA U ZWI ITA:

• Dzhenani kha tshiteṅwa “BIBLE TEACHINGS.” Kha ri ri ni khou huwelela kha mubebi ane a khou takalela u ḓivha mafhungo o engedzeaho nga ha u alusa vhana. Iyani kha tshiteṅwa BIBLE TEACHINGS > MARRIAGE & FAMILY.

• Dzhenani kha tshiteṅwa “DZIKHANDISO.” Kha ri ri ni khou huwelela lu songo dzudzanywaho tshikoloni nahone ni ṱoḓa u ṋea ane na dzhena nae kilasi bugwana Phindulo Dza Mbudziso Dza 10 Dzine Vhaswa Vha Dzi Vhudzisa. Iyani kha tshiteṅwa DZIKHANDISO > BUGU & BUGWANA.

• Dzhenani kha tshiteṅwa “NGA HA RIṊE.” Kha ri ri ni khou huwelela kha mushumisani na inwi ane a nga takalela u ḓivha nga ha zwine ra zwi tenda. Iyani kha tshiteṅwa NGA HA RIṊE > MBUDZISO DZINE DZA ANZELA U VHUDZISWA NGA HA ṰHANZI DZA YEHOVA.

ṰALELANI VIDIO NAVIGATING JW.ORG, NAHONE NI SEDZE KHA WEBSITE HUNE NA NGA THUSA:

• muthu a sa tendi kha zwa vhurereli

• muthu o welwaho nga khombo

• wahashu o fholaho muyani

• mugudiswa ane a ṱoḓa u ḓivha uri mushumo washu u tikedzwa hani nga zwa masheleni

• muthu wa ḽiṅwe shango ane a khou ṱoḓa u ya miṱanganoni ya hune a dzula hone