U TSHILA SA VHAKRISTE
Humbulani Mufumakadzi Wa Loto
Ndi ngani mufumakadzi wa Loto o sedza murahu nga tshifhinga tshe vha vha vha tshi khou shavha ngei Sodoma? Bivhili a i ṱalutshedzi. (Gen 19:17, 26) Tsevho ya Yesu i sumbedza uri khamusi o vha a tshi khou ṱoḓa zwithu zwe a zwi sia murahu. (Luk 17:31, 32) Ri nga iledza hani u xelelwa nga vhushaka hashu na Yehova u fana na mufumakadzi wa Loto? U ṱoḓa zwithu zwi vhonalaho a zwo ngo tea u vha zwone zwa ndeme vhutshiloni hashu. (Mat 6:33) Yesu o ri funza uri ri “nga si kone u shumela Mudzimu na Lupfumo.” (Mat 6:24) Fhedzi hu pfi mini arali ra thoma u ṱhogomela uri zwithu zwi vhonalaho zwi khou thoma u dzhiela vhudzulo vhushaka hashu na Yehova? Ri nga rabela kha Yehova uri a ri livhise, ri kone u vhona hune ra tea u lugisa hone na u ri fha maanḓa na tshivhindi tsha u ita ngauralo.
ELELWANI VIDIO HUMBULANI MUFUMAKADZI WA LOTO INE YA VHA NA ZWIPIḒA ZWIRARU NAHONE NI FHINDULE MBUDZISO DZI TEVHELAHO:
-
Nḓila ine nda tshila ngayo i nga sumbedza hani uri ndi “humbula mufumakadzi wa Loto”?
Mutsiko we Gloria a vha e naho wa u ṱoḓa u vha na tshelede nnzhi, wo ṱuṱuwedza hani mahumbulele awe, nḓila ine a amba ngayo na nḓila ine a ita ngayo zwithu?
-
Ṋamusi ri wana tsevho ifhio kha tsumbo ya Mufumakadzi wa Loto?
-
U tevhedza zwine Bivhili ya zwi amba, zwo thusa hani Joe na muṱa wawe?
-
Vhukonani ha Anna mushumoni ho kwama hani vhushaka hawe na Yehova?
-
Ndi ngani ri tshi ṱoḓa tshivhindi arali ri tshi ṱuṱuwedzwa u rangisa tshelede vhutshiloni hashu?
-
Brian na Gloria vho thuswa nga mini uri vha dovhe vha dzhiele nṱha vhushaka havho na Mudzimu?
-
Ndi maitele afhio a Bivhili e na a vhona kha heyi vidio?
