Kha vhurifhi he muapostola Paulo a vhu ṅwalela Tito, o amba uri vhaswa vha tshinnani, u katela na Tito, vha tea u ita zwi re maanḓani avho uri vha “vhe tsumbo ya mishumo yavhuḓi nga nḓila dzoṱhe.” (Tito 2:6, 7) Kha yeneyo ndima, Paulo o dovha a amba uri Yesu u ḓo kunakisa vhathu vha Yehova uri ‘vha fhisetshele mishumo yavhuḓi.’ (Tit 2:14) Muṅwe wa yeneyo mishumo yavhuḓi, ndi u huwelela na gudisa nga ha Muvhuso wa Mudzimu. Arali ni muswa, naa ni nga shumisa nungo dzaṋu u itela u vha muvulanḓila wa u thusa kana wa tshifhinga tshoṱhe?—Mir 20:29.

Arali ni tshi ṱoḓa u vula nḓila, dzudzanyani zwiimo zwaṋu uri ni kone u ita nga u ralo. (Luk 14:28-30) Sa tsumbo, ni ḓo kona hani u ḓiṱhogomela musi ni tshi khou vula nḓila? Ni ḓo swikelela hani awara dzine dza ṱoḓea? Humbelani Yehova uri a ni thuse. (Ps 37:5) Haseledzani na vhabebi vhaṋu na vhavulanḓila vha re na tshenzhelo nga ha zwine na khou ṱoḓa u zwi ita. Ni kone u dzhia vhukando u itela u swikelela tshipikwa tshaṋu. Yehova u ḓo fhaṱutshedza vhuḓidini haṋu ha u mu shumela nga u fhisea!

ṰALELALANI VIDIO INE YA RI: VHASWA VHANE VHA KHOU SHUMELA YEHOVA, NGA MURAHU NI FHINDULE MBUDZISO DZI TEVHELAHO:

• Vhaṅwe vho ṱangana na vhuleme vhufhio musi vha tshi khou vula nḓila, nahone vho thuswa nga mini u vhu kunda?

• Vhabebi vha nga thusa hani vhana vhavho uri vha vhe vhavulanḓila vha tshifhinga tshoṱhe?

• Ndi ngani u ḓiitela mbekanyo ya u ya tsimuni zwi zwa ndeme?

• Vhaṅwe tshivhidzoni vha nga ṱuṱuwedza na u thusa hani vhavulanḓila?

• Ndi phaṱhutshedzo dzifhio dzine vhavulanḓila vha dzi wana?