Roṱhe ri nga itela Yehova zwithu zwine a sa ḓo zwi hangwa. Yehova u fana na mubebi ane a dzhiela nṱha zwe ṅwana wawe a mu itela zwone, ha nga hangwi mishumo yashu na lufuno lune ra lu sumbedza ri tshi itela dzina ḽawe. (Mat 6:20; Heb 6:10) Ndi ngoho uri vhukoni na zwiimo zwashu a zwi fani. Fhedzi ri nga takala arali ra ita zwoṱhe zwine ra kona u itela u shumela Yehova. (Gal 6:4; Kol 3:23) Hu na vhahashu vhanzhi vho no shumaho Bethele. Ni nga kona u ya u thusa Bethele? Arali ni si nga si kone, ni nga kona u ṱuṱuwedza muṅwe uri a ye u thusa kana na thusa muṅwe a re Bethele uri a bvele phanḓa a tshi khou shuma nga yeneyo nḓila yo khetheaho?

ṰALELANI VIDIO INE YA RI: DZHENELANI TSHUMELO YA BETHELE, NGA MURAHU NI FHINDULE MBUDZISO DZI TEVHELAHO:

• Ni fanela u ṱuṱuwedzwa nga mini uri ni shume Bethele?

• Ndi dzifhio phaṱhutshedzo dze vhaṅwe vha dzi wana nga u shuma Bethele?

• Ndi mini zwine zwa ita uri muthu a fanelee u shuma Bethele?

• Ni nga ita hani khumbelo ya u shuma Bethele?