ZWINE ZWA ITA URI ZWI VHE ZWA NDEME: Vhathu vha tea u guda zwilinganyo zwa Yehova na u tshila u tendelana nazwo uri vha kone u mu gwadamela nga nḓila ine a i ṱanganedza. (Yes 2:3, 4) Bugu ya vhuvhili ine ra guda na vhathu ine ya pfi “Lufunoni Lwa Mudzimu”, i thusa vhagudiswa uri vha pfesese nḓila ine maitele a Mudzimu a tshimbidzana ngayo na vhutshilo hashu ha ḓuvha ḽiṅwe na ḽiṅwe. (Heb 5:14) Ri tea u lwela u swikelela mbilu musi ri tshi vha gudisa u ita tshanduko nga u ḓifunela.—Rom 6:17.

NḒILA INE NA NGA ZWI ITA NGAYO:

• Lugiselelani zwavhuḓi, ni humbule nga ha zwithu zwine mugudiswa a si zwi pfesese, zwine na tea u zwi ṱalutshedza. Vhudzisani mbudziso dzine dza ṱoḓa mavhonele awe, dzine dza ḓo ni thusa u pfa mahumbulele na maḓipfele awe nga ha mafhungo ane na khou a guda.—Mir 20:5; be 259

• Shumisani mabogisi a re buguni u thusa mugudiswa uri a vhone nḓila ine zwa vha zwa ndeme ngayo u shumisa maitele a Bivhili

• Thusani mugudiswa uri a humbulisise nga mafhungo ane a kwama luvalo, fhedzi ni songo mu itela phetho.—Gal 6:5

• Shumisani vhuṱali u vhona arali mugudiswa a tshi tea u thuswa u shumisa maṅwe maitele a Bivhili. Mu ṱuṱuwedzeni uri a ite tshanduko zwo thewa kha u funa hawe Yehova.— Mir 27:11; Yoh 14:31