NDI NGANI ZWI ZWA NDEME: Yehova u ita uri ngoho i swikelele mbilu dza vha re na “mavhonele o teaho uri vha wane vhutshilo vhu sa fheli.” (Mis 13:48; 1Ko 3:7) Ri shumisana nae musi ri vhuḓinḓani nga u livhisa ṱhogomelo kha vhane vha takalela u guda. (1Ko 9:26) Vha tea u pfesesa uri ndovhedzo ndi ya ndeme uri muthu a tshidzwe. (1Pe 3:21) Ri thusa vhagudiswa vhashu vha Bivhili uri vha vhe vhafunziwa nga u vha funza uri vha ite tshanduko vhutshiloni, vha huwelele na u funza na uri vha ṋekedzele vhutshilo havho kha Yehova.—Mat 28:19, 20.

NḒILA YA U ZWI ITA:

• Humbudzani vhagudiswa vhaṋu vha Bivhili uri tshipikwa tsha u guda ndi uri “vha ḓivhe” Yehova na u mu takadza. —Yoh 17:3

• Vha thuseni uri vha iledze milingo i ngaho sa dzema ḽi si ḽavhuḓi na vhukonani vhu soleaho uri vha vhe na vhushaka havhuḓi na Yehova

• Vha khwaṱhiseni na u vha ṱuṱuwedza musi vha sa athu u lovhedzwa na musi vho no lovhedzwa.—Mis 14:22

ṰALELANI VIDIO JEHOVAH GOD WILL HELP YOU, NAHONE NGA MURAHU NI FHINDULE MBUDZISO DZI TEVHELAHO:

• Ndi mini zwine zwa nga ita uri muthu a si ḓiṋekedzele na u lovhedzwa?

• Vhahulwane vha nga thusa hani vhagudiswa vha Bivhili uri vha vhe na vhushaka havhuḓi na Yehova?

• Yesaya 41:10 i ri funza mini nga ha Yehova?

• Ndi pfaneleo dzifhio dzine dza nga ri thusa uri ri shumele Yehova nga nḓila i ṱanganedzeaho naho ri songo fhelela?