ZWI ITAHO URI ZWI VHE ZWA NDEME: Vhaḓodzwa na vha dziṅwe nngu vha ramba vhathu vhoṱhe uri vha ḓe vha “dzhie maḓi a vhutshilo nga fhedzi.” (Nzu 22:17) Eneo maḓi a lwa pfanyisedzo a ambela kha zwithu zwoṱhe zwe Yehova a zwi ita u itela uri vhane vha mu thetshelesa vha phuluswe kha tshivhi na lufu. U itela u thusa vhathu vhane vha tevhela mikhuvha yavho na u tenda kha zwiṅwe zwithu, ri tea u amba “mafhungo maḓifha a lini na lini” nga nḓila ine ya ḓo vha kwama nga muthihi nga muthihi.—Nzu 14:6.

NḒILA YA U ZWI ITA:

• Khethani luṅwalo kana mafhungo ane na vhona uri a ḓo kwama mbilu dza vhane na huwelela khavho. Ni nga khetha maambele a tsumbo kana zwiṅwe zwe na wana zwi tshi shuma. Ndi afhio mafhungo kana maṅwalo ane kanzhi vhathu vha a takalela? Ndi zwifhio zwine zwa khou tou bva u itea zwine vhathu vha khou humbula kana u amba nga hazwo? Ndi mini zwine zwa nga ita uri muthu wa munna kana wa mufumakadzi a vhe na dzangalelo?

• Ni songo hangwa u lumelisa na u ṱhonifha nḓila ine vhathu vha ita ngayo zwithu.—2Ko 6:3, 4

• Ni tea u ḓivha khandiso na vidio dzine dza vha kha Bogisi Ḽashu Ḽa Zwishumiswa Zwa U Funza uri ni kone u fha kana u sumbedza muthu ane a vha na dzangalelo

• Downloudani zwithu nga nyambo dza vhathu vhane na anzela u ṱangana navho tsimuni

• Ni songo amba tshithu tshithihi na muthu muṅwe na muṅwe, ambani zwithu zwine zwa kwama ṋemuḓi. (1Ko 9:19-23) Sa tsumbo, ni nga ita mini arali na pfa uri ṋemuḓi a si kale o felwa?

ṰALELANI VIDIO, NGA MURAHU NI FHINDULE MBUDZISO DZI TEVHELAHO:

• Muhuweleli o thoma u haseledza na ṋemuḓi nga ha mini?

• Ndi zwifhio zwe ṋemuḓi a vha a tshi khou ṱangana nazwo?

• Ndi afhio maṅwalo e a vha a tshi nga mu thusa nahone ndi ngani ri tshi ralo?

• Ni nga ita hani uri zwine na zwi amba zwi tshimbidzane na zwiimo zwa vhathu vhane na huwelela khavho?