Tshifhingani tsho fhiraho, vhavhusi vho vha vha tshi thusa vhathu vha Yehova. (Ese 6:1-12; Esi 8:10-13) Na tshifhingani tshashu, ro vhona “lifhasi” ḽi tshi nwa “maḓi ane a nga mulambo.” “Ḽifhasi” ḽi fanyisela vhathu vha re na maanḓa kana zwigwada zwa mashango zwine zwa humbulela nahone “maḓi ane a nga mulambo” a fanyisela u tovholwa ha vhathu vha Mudzimu hune ha ṱuṱuwedzwa nga “ḽigweṋa” ḽine ḽa vha Sathane Diabolo. (Nzu 12:16) Yehova ane a vha “Mudzimu-Mutshidzi,” a nga ita uri vhavhusi vha thuse vhathu vhawe.—Ps 68:20; Mir 21:1.

Hu pfi mini arali no farwa nga nṱhani ha zwine na zwi tenda? Ni songo vhuya na timatima uri Yehova u khou ni linda. (Gen 39:21-23; Ps 105:17-20) Ḓivhani uri ni ḓo lambedzwa nga nṱhani ha u vha na lutendo na uri ni khou ṱuṱuwedza vhahashu u mona na shango ḽoṱhe ngauri ni a fhulufhedzea.—Flp 1:12-14; Nzu 2:10.

ṰALELANI VIDIO INE YA RI: VHAHASHU VHA KOREA VHO VHOFHOLOLWA DZHELE, NGA MURAHU NI FHINDULE MBUDZISO DZI TEVHELAHO:

• Ndi ngani vhunzhi ha vhahashu vha Korea Tshipembe vho farwa miṅwahani yo fhiraho?

• Khothe dzo ri mini zwe zwa ita uri vhaṅwe vhahashu vha ṱavhanye u vhofhololwa?

• Ri nga thusa hani vhahashu vho farwaho nga nṱhani ha zwine vha tenda?

• Mbofholowo ine ra vha nayo zwa zwino ri tea u shumisa hani?

• Ndi nnyi ane a ita uri khothe i si ri vhone mulandu?