U bva nga 2018, zwiingamo zwine ra zwi shumisa tsimuni na Awake, zwi livhisa ṱhogomelo kha tshiṱoho tshine tsha vha kha gwati. Dzenedzi magazini dzoṱhe dzi wela kha Bogisi Ḽa Zwishumiswa Zwa U Funza. Ri tea u dzi shumisa musi ri tshi huwelela. Ri nga tshimbila nadzo musi ro fara lwendo kana ri tshi khou ya mavhengeleni. A dzo ngo itelwa u guda na vhathu Bivhili fhedzi dzi nga ita uri muthu a vhe na dzangalelo ḽa u guda zwinzhi nga ha Mudzimu.

Musi no no thoma nyambedzano, vhalani luṅwalo nahone ni ambe nga ha thero ya magazini ine ya nga kwama muthu ane na khou amba nae. Sa tsumbo, arali onoyo muthu e na vhana, o tsikeledzea kana o lovhelwa, ni nga amba uri: “Ndo vhala maṅwe mafhungo a no amba nga ha zwenezwi. Ndi nga vha sumbedza?” Arali na vhona uri onoyo muthu u na dzangalelo, ni nga mu fha magazini kana na tou mu rumela wone nga tshishumiswa tsha elekitroniki. Ni nga zwi ita na kha lwendo lwa u thoma. Naho tshipikwa tshashu hu si u tshimbidza khandiso, magazini dzi nga ri thusa u wana vhathu vhane vha ṱoḓa u ita zwine Yehova a funa.—Mis 13:48.