Fulufhelo ḽi nga thikho ya vhutshilo hashu. (Heb 6:19) Ḽi ri thusa u iledza u tshinya vhushaka hashu na Mudzimu musi ro sedzana na maḓumbu. (1Ti 1:18, 19) Maḓumbu a nga vha u kulea nungo, u xelelwa nga zwithu zwi vhonalaho, vhulwadze vhu sa fholi, u felwa nga ane ra mu funa kana tshiṅwe na tshiṅwe tshine tsha linga u fulufhedzea hashu.

Lutendo na fulufhelo zwi ri thusa u livhisa ṱhogomelo kha malamba o fulufhedziswaho. (2Ko 4:16-18; Heb 11:13, 26, 27) Nga zwenezwo, hu sa londwi uri ri na fulufhelo ḽa u tshila ṱaḓulu kana kha ḽifhasi, ri fanela u dzula ri tshi ḽi khwaṱhisa nga u elekanya nga ha mafulufhedziso a re Ipfini ḽa Mudzimu. Zwi ḓo ri lelutshela u dzula ro takala musi ro sedzana na milingo.—1Pe 1:6, 7.

ṰALELANI VIDIO REJOICE IN THE HOPE, NAHONE NI FHINDULE MBUDZISO DZI TEVHELAHO:

• Ndi ngani Mushe e tsumbo yavhuḓi ine ra fanela u i edzisa?

• Ṱhoho dza miṱa dzi na vhuḓifhinduleli vhufhio?

• Miṱa i nga haseledza mini kha Vhurabeli ha Muṱa?

• Fulufhelo ḽi nga ni thusa hani u sedzana na milingo nga tshivhindi?

• Ndi mini zwe na zwi lavhelela?