ZWINE ZWA ITA URI ZWI VHE ZWA NDEME: Arali ‘maano mbiluni ya munna a maḓi a tivha,’ zwi amba uri mbudziso dzi tou nga bakete ḽa u a kelela. (Mir 20:5) Mbudziso dzi thusa vhathetshelesi uri vha shele mulenzhe. Kanzhi mbudziso dzavhuḓi dzi ita uri muthetshelesi a ṱaluse mahumbulele awe a ndeme. Yesu o shumisa mbudziso zwavhuḓi. Ri nga mu edzisa hani?

NḒILA YA U ZWI ITA:

• Vhudzisani mbudziso dzine dza ḓo ita uri a ambe mahumbulele awe. Yesu o vhudzisa mbudziso dzo vhalaho u itela u ḓivha mahumbulele a vhafunziwa vhawe. (Mat 16:13-16; be 238 ¶3-5) Ndi dzifhio mbudziso dzine na nga dzi vhudzisa?

• Vhudzisani mbudziso dzine dza ita uri a humbule. U itela u khakhulula mahumbulele a Petro, Yesu o mu vhudzisa mbudziso dze dza ita uri a humbule. (Mat 17:24-26) Ndi mbudziso dzifhio dzine na nga dzi vhudzisa u itela u thusa muthu uri a dzhie phetho?

• Mu khoḓeni. Musi muṅwe wa vhamaṅwalo “o fhindula nga vhuṱali,” Yesu o mu khoḓa. (Mar 12:34) Ni nga khoḓa hani muthu we a fhindula nga nḓila i fushaho?

ṰALELANI TSHIPIḒA TSHA U THOMA TSHA VIDIO DO THE WORK THAT JESUS DID​—TEACH, NAHONE NI FHINDULE MBUDZISO DZI TEVHELAHO:

• Ndi ngani ri tshi nga amba uri iyi a si nḓila yavhuḓi ya u funza naho mulaedza u wone?

• Ndi ngani ri tshi tea u ita zwi fhiraho u sokou ṱalutshedza mulaedza?

ṰALELANI TSHIPIḒA TSHA VHUVHILI TSHA VIDIO NAHONE NI FHINDULE MBUDZISO DZI TEVHELAHO:

• Wahashu o shumisa hani mbudziso nga nḓila yavhuḓi?

• Ndi zwifhio zwiṅwe zwine ra nga zwi edzisa kha nḓila ine a funza ngayo?