NDI NGANI ZWI ZWA NDEME: Vhathu vha tea u vhidzelela dzina ḽa Yehova u itela uri vha tshidzwe. (Rom 10:13, 14) Fhedzi a si vhoṱhe kha vhane vha tenda u guda Bivhili vhane vha ṱoḓa u ita zwi funwaho nga Yehova. Ri shumisa tshifhinga tshashu tsimuni nga vhuṱali u itela u thusa vho ḓiimiselaho u ita tshanduko u itela u takadza Yehova. Arali mugudiswa wa Bivhili a sa iti mvelaphanḓa musi ho no fhela tshifhinga tshilapfu ri tshi khou guda, nga vhuṱali ri mbo ḓi livhisa ṱhogomela kha vhane Yehova a khou vha kokodzela tsini nae na ndangulo yawe. (Yoh 6:44) Arali nga murahu ha tshifhinga onoyo muthu a sumbedza u ita tshanduko nahone a sumbedza uri u na ‘mavhonele o teaho uri a wane vhutshilo vhu sa fheli’ ri nga dovha ra fara pfunzo ya Bivhili nae.—Mis 13:48.

NḒILA YA U ZWI ITA:

• Khoḓani mugudiswa nga u ṱoḓa hawe nḓivho yo teaho.—1Ti 2:4

• Mu vhudzeni uri ndi zwa ndeme lungafhani u shumisa zwe a zwi guda.—Luk 6:46-49

• Nga ṱhonifho haseledzani tshifanyiso tsha Yesu nga ha muzwali nahone ni mu humbele uri a humbulisise nga ha zwine zwa khou mu thivhela uri a ite mvelaphanḓa.—Mat 13:18-23

• Nga vhuṱali mu ṱalutshedzeni uri ndi ngani ni sa ḓo kona u bvelaphanḓa na u guda nae

• Mu vhudzeni uri nga zwiṅwe zwifhinga ni ḓo mu dalela kana u mu founela u itela u mu ṱuṱuwedza na uri arali a ita tshanduko ni nga bvelaphanḓa na u guda

ṰALELANI VIDIO NAHONE NGA MURAHU NI FHINDULE MBUDZISO DZI TEVHELAHO:

• Ndi mini zwe na zwi vhona kha iyi nyambedzano zwe zwa sumbedza uri mugudiswa ha khou ita mvelaphanḓa?

• Muhuweleli o thusa hani mugudiswa uri a kone u vhona uri u tea u ita tshanduko?

• Muhuweleli o sumbedza hani uri o ḓiimisela uri a nga dovha a guda nae tshifhinga tshi ḓaho arali a ita tshanduko?