U fhaṱwa ha thembele ya Isiraele zwo ṱoḓa mushumo wo engedzeaho na masheleni manzhi. Naho zwo ralo, Vhaisiraele vho tikedza wonoyo mushumo nga mafulufulu. (1Kr 29:2-9; 2Kr 6:7, 8) Musi thembele yo no fhela u fhaṱwa, nḓila ye Vhaisiraele vha i ṱhogomela ngayo yo sumbedza vhuimo havho ha lwa muya. (2Dz 22:3-6; 2Kr 28:24; 29:3) Musalauno, Vhakriste vha ḓiṋekedzela kha u fhaṱa, u kunakisa, na u ṱhogomela Holo dza Muvhuso na dza Maguvhangano. Naho zwo ralo, u shumisana na Yehova nga yeneyo nḓila ndi ndugelo khulwane nahone ndi tshipiḓa tsha tshumelo yashu yo khetheaho.—Ps 127:1; Nzu 7:15.

• Kunakisa nga murahu ha muṱangano muṅwe na muṅwe. Arali zwiimo zwi sa ni tendeli, siani he na vha no dzula hone ho kuna.

• Kunakisa na u ṱhogomela Holo ya Muvhuso tshifhinga tshoṱhe. Zwanḓa zwinzhi zwi ita uri mushumo u takadze nahone mushumo u shavha zwanḓa.—lv 92-93 ¶18.

• Ṋekedza thuso ya zwa masheleni. Naho hu muṋeelo wa “zwipeni zwivhili, . . . zwi si na ndeme” u bvaho mbiluni u takadza Yehova.—Mar 12:41-44.

• Ḓilonga u itela u thusa kha u fhaṱa na u vusulusa zwifhaṱo zwa lwa ṱaḓulu arali zwiimo zwaṋu zwi tshi ni tendela. A zwi vhuyi zwa ṱoḓea uri muthu a vhe na tshenzhelo ya u fhaṱa, tshi ṱoḓeaho ndi u shela mulenzhe.