Arali ni muswa a sa athu lovhedzwaho kana mugudiswa wa Bivhili, naa no no ḓiitela tshipikwa tsha u lovhedzwa? Ndi ngani ni tshi tea u lovhedzwa? U ḓiṋekedza na u lovhedzwa zwi ita uri ni thome u vha na vhushaka na Yehova. (Ps 91:1) Zwi ḓo dovha zwa ita uri ri tshidzwe. (1Pe 3:21) Ni nga ita mini uri ni ḓiṋekedze na u lovhedzwa?

Ivhani na vhungoho ha uri zwine na khou zwi guda ndi ngoho? Musi ni na mbudziso, itani ṱhoḓisiso. (Rom 12:2) Itani tshanduko ni tshi ṱuṱuwedzwa nga uri ni ṱoḓa u takadza Yehova. (Mir 27:11; Ef 4:23, 24) Dzulani ni tshi humbela Yehova uri a ni thuse. Ivhani na vhungoho ha uri Yehova u ḓo ni khwaṱhisa na u ni tikedza a tshi shumisa muya wawe mukhethwa wa maanḓa. (1Pe 5:10, 11) Ni nga si ḓisole nga u ita vhuḓidini. A hu na tshine tsha nga vhambedzwa na u shumela Yehova.—Ps 16:11.

ṰALELANI VIDIO INE YA RI: NḒILA I ISAHO NDOVHEDZONI, NGA MURAHU NI FHINDULE MBUDZISO DZI TEVHELAHO:

• Vhaṅwe vho kunda thaidzo dzifhio uri vha lovhedzwe?

• Ni nga ita mini uri ni vhe na lutendo lune lwa ḓo ita uri ni ḓiṋekedzele kha Yehova?

• Vhaṅwe vho ṱuṱuwedzwa nga mini uri vha lovhedzwe?

• Yehova u fhaṱutshedza hani vhane vha khetha u mu shumela?

• U ḓiṋekedza na u lovhedzwa zwi amba mini?