Yehova u dzhiela nṱha miano ine vhavhingani vha i ita. O amba uri munna na mufumakadzi vha tea u nambatelana. (Mat 19:5, 6) Hu na vhavhingani vhane vha vha tsumbo dzavhuḓi kha vhathu vha Yehova. Naho zwo ralo, ḽi nga si dzule ḽi ḽa maladze. Thaidzo dzi ḓo vha hone. Vhathu vha dzhia u fhandekanya na u ṱalana hu zwone thandululo musi hu tshi vha na thaidzo, fhedzi riṋe ri tea u iledza mahumbulele o raloho. Vhavhingani vha Vhakriste vha nga tsireledza hani mbingano yavho?

Ṱhogomelani zwithu zwiṱanu zwa ndeme.

1. Lindani mbilu yaṋu nga u iledza zwithu zwine zwa kwasha mbingano zwi ngaho sa u tamba nga lufuno na vhaṅwe vhathu na vhuḓimvumvusi vhu so ngo kunaho.—Mat 5:28; 2Pe 2:14.

2. Khwaṱhisani vhushaka haṋu na Mudzimu. Dzulani ni tshi lwela u mu takadza mbinganoni yaṋu.—Ps 97:10.

3. Ni songo litsha u ambara vhumuthu vhuswa na u ita uri vhutshilo ha mufarisi waṋu vhu si konḓe nga u mu sumbedza vhuthu.—Kol 3:8-10, 12-14.

4. Dzulani ni tshi ṱhonifhana na u ambedzana.—Kol 4:6.

5. Vhavhingani vha tea u ṋeana zwo teaho.—1Krt 7:3, 4; 10:24.

Musi Vhakriste vha tshi ṱhonifha mbingano, vha vha vha tshi khou ṱhonifha Yehova Muthomi wa mbingano.

ṰALELANI VIDIO INE YA RI: RI FANELA U ‘GIDIMA NGA U KONḒELELA’​—TEVHELANI MILAYO YA MUTAMBO, NGA MURAHU NI FHINDULE MBUDZISO DZI TEVHELAHO:

• Vhavhingani vha nga sedzana na thaidzo dzifhio naho vho thoma mbingano yavho zwavhuḓi?

• Bivhili i nga thusa hani vhane vha pfa vha sa khou sumbedzwa lufuno mbinganoni?

• Yehova o ṋea vhavhingani milayo ifhio?

• Munna na mufumakadzi vha tea u ita mini uri mbingano i takadze?